Verktøylinje
Forskrift om saksbehandling i saker om odelsfrigjering etter odelslova § 30 og § 32
Trykk Escape for å lukke innholdsfortegnelse
- Forskrift om saksbehandling i odelssaker
- § 1. Formål og virkeområde
- § 2. Definisjonar
- § 3. Generelle krav til søknad om odelsfrigjering
- § 4. (Oppheva 1 jan 2014 ved forskrift 12 des 2013 nr. 1496.)
- § 5. Frist for å søkje om odelsfrigjering
- § 6. Varsling av odelsrettshavarane om deira rett til å gi uttale
- § 7. Frist for odelsrettshavarane til å gi uttale
- § 8. Kommunen si plikt til å innhente opplysningar
- § 9. Kommunen skal vurdere om det skal takast steg til odelsfrigjering og varsle retten
- § 10. Kommunen si uttale når det gjeld spørsmålet om odelsfrigjering (realiteten)
- § 11. Statsforvaltaren si behandling
- § 12. Varsel til retten om det endelege utfallet av odelsfrigjeringssaka
- § 13. Ikraftsetjing
- § 14. Overgangsreglar
Ditt søk ga dessverre ingen treff.
Del dokument
Forskrift om saksbehandling i saker om odelsfrigjering etter odelslova § 30 og § 32
Heimel: Fastsett av Landbruks- og matdepartementet 11. februar 2011 med heimel i lov 28. juni 1974 nr. 58 om odelsretten og åsetesretten § 33, jf. delegeringsvedtak 11. februar 2011 nr. 137.
Endra ved forskrifter 12 des 2013 nr. 1496, 22 sep 2014 nr. 1223, 21 des 2020 nr. 3044 (i kraft 1 jan 2021).
§ 1.Formål og virkeområde
Denne forskrifta har til formål å sikre effektiv og forsvarleg saksbehandling i saker om odelsfrigjering etter lov 28. juni 1974 nr. 58 om odelsretten og åsetesretten (heretter kalla odl.) § 30 og § 32.
§ 2.Definisjonar
I denne forskrifta tyder:
§ 3.Generelle krav til søknad om odelsfrigjering
Skriftleg søknad om odelsfrigjering etter odl. § 30 og § 32 skal sendast til kommunen der odelseigedomen ligg. Kopi av odelsfrigjeraren sitt ervervsdokument med løyver og forkynt stemning i odelsløysingssaka skal leggjast ved søknaden. Søknaden skal innehalde opplysningar om kva som er formålet med odelsfrigjeringa.
Dersom kommunen eigedomen ligg i står som odelsfrigjerar, skal saka etter vanleg saksførebuing, jf. forskrift 8. desember 2003 nr. 1480 om saksbehandling mv. i kommunen i saker etter konsesjonsloven, jordloven, odelsloven og skogbruksloven § 1, sendast til Statsforvaltaren som avgjer om det skal takast steg til odelsfrigjering.
§ 4.(Oppheva 1 jan 2014 ved forskrift 12 des 2013 nr. 1496.)
🔗Del paragraf§ 5.Frist for å søkje om odelsfrigjering
Søknad om odelsfrigjering etter odl. § 30 og § 32 må setjast fram innan to månader etter at stemning i løysingssak blei forkynt for eigaren. Kommunen kan gi oppfrisking for oversitting av fristen.
§ 6.Varsling av odelsrettshavarane om deira rett til å gi uttale
Kommunen skal straks søknaden er motteke, så langt det lar seg gjere, gi odelsrettshavarane høve til å uttale seg om odelsfrigjeringsspørsmålet.
Overfor den som det er vanskeleg å gi individuelt varsel, er det nok med kunngjering i Norsk Lysingsblad og i ei avis som er ålment lesen på staden.
🔗Del paragraf§ 7.Frist for odelsrettshavarane til å gi uttale
Kommunen skal setje ein uttalefrist på ein månad. Denne fristen skal gjelde både for den som får individuelt varsel og den som får varsel gjennom kunngjering som nemnt i § 6 andre ledd.
Kommunen skal be odelsrettshavarane om å sende uttalen til kommunen.
🔗Del paragraf§ 8.Kommunen si plikt til å innhente opplysningar
Kommunen skal innhente opplysningar som ikkje går fram av odelsfrigjeringssøknaden når opplysningane kan ha noko å seie for avgjerda i saka.
🔗Del paragraf§ 9.Kommunen skal vurdere om det skal takast steg til odelsfrigjering og varsle retten
Når kommunen meiner saka er godt nok opplyst, skal den utan ugrunna opphald avgjere om det skal takast steg til odelsfrigjering.
I alle saker etter odl. § 30 og § 32 skal kommunen kontrollere om søknad om odelsfrigjering er sett fram av eigaren innan 2 månader rekna frå stemning i løysingssaka blei forkynt for han.
Gjeld søknaden odelsfrigjering etter odl. § 30, skal kommunen vurdere om
Gjeld søknaden odelsfrigjering etter odl. § 32 andre ledd, skal kommunen vurdere om
Kjem kommunen til at vilkåra er oppfylte for den aktuelle søknaden, skal kommunen varsle retten om at det vil bli teke steg til odelsfrigjering, og be om at løysingssaka blir stansa, jf. odl. § 33 andre ledd. Kommunen skal varsle partane om at det vil bli teke steg til odelsfrigjering og at løysingssaka blir stansa.
Kjem kommunen til at vilkåra ikkje er oppfylte, skal kommunen avslå søknaden om odelsfrigjering. Avslaget kan påklagast til Statsforvaltaren.
§ 10.Kommunen si uttale når det gjeld spørsmålet om odelsfrigjering (realiteten)
Kjem kommunen til at det skal tas steg til odelsfrigjering, skal den gi uttale om sitt syn på spørsmålet om odelsfrigjering (realiteten) og sende saka til Statsforvaltaren. Kommunen skal sende kopi av uttala si til partane og dei andre odelsrettshavarane. Kommunen skal be dei senda sine merknader til uttala til Statsforvaltaren.
§ 11.Statsforvaltaren si behandling
Statsforvaltaren skal avgjere odelsfrigjeringssøknaden når saka er så godt opplyst som mogleg.
Statsforvaltaren skal innhente uttale i saker etter odl. § 30 og § 32 frå det departementet som odelsfrigjeringsformålet høyrer inn under.
Blir vedtaket påklaga, skal Statsforvaltaren behandle klaga etter reglane i forvaltningslova.
Tek ikkje Statsforvaltaren klaga til følgje, skal klagesaka sendast til Landbruksdirektoratet. Landbruksdirektoratet skal foreleggje klaga for det departement som odelsfrigjeringsformålet høyrer inn under.
§ 12.Varsel til retten om det endelege utfallet av odelsfrigjeringssaka
Det organet som treffer det endelege vedtaket i odelsfrigjeringssaka, skal varsle retten om utfallet av odelsfrigjeringssaka.
🔗Del paragraf§ 13.Ikraftsetjing
Denne forskrifta trer i kraft straks.
🔗Del paragraf§ 14.Overgangsreglar
I tilfelle der nokon som har ein aktuell odelsløysingsrett når forskrifta her tek til å gjelde, går til løysingssak, gjeld likevel dei tidlegare reglane.