Til hovedmeny (Alt + m + enter)Til innhold (Alt + c + enter)

Áigemearri buktit boazodoalu dieđáhusa lea maŋiduvvon miessemánu 10.beaivái

Áigemearri guoská dieđáhussii, doarjjaohcamii ja boraspiirevahágiid buhtadusohcamii.

Rein på beite om våren (Copyright: Markedsutvalget for reinkjøtt/landbruksdirektoratet)

Digitála čoavddus lea steŋgejuvvon
Eanandoallodirektoráhtta lea ožžon dieđuid ahte digitála rapporterenvuogádagas leat ollu boasttuvuođat. Muhtun boasttuvuođat leat nu duođalaččat ahte mii mearrideimmet steŋget dihtorčovdosa dassážii boasttuvuođat leat divvojuvvon.

Dieđáhusa ja ohcamiid áigemearri lea maŋiduvvon
Nu guhká go boasttuvuođat eai leat divvojuvvon, de ii leat vejolaš addit digitála dieđáhusa boazodoalu birra, ohcat doarjagiid ja ohcat buhtadusa boraspiirevahágiid ovddas. Danin mii leat maŋidan áigemeari cuoŋománu 10. beaivvis gitta miessemánu 10. beaivái. Mii addit dieđu go rapporterenvuogádat fas lea rabas.

Šállošit bárttiid
Eanandoallodirektoráhtta šálloša go lea ná geavvan ja go min geavaheaddjit leat šaddan dáinna bártidit.