Søkje om nydyrking

• For alle nydyrkingstiltak skal søkjaren vurdere om nydyrkingstiltaket må konsekvensutgreiast. Søkjaren må sjølv sørgje for og bere kostnadene ved at undersøkinga blir gjennomført. Utgreiinga må følgje anerkjend metodikk og utførast av personar med relevant fagleg kompetanse.
• Nydyrkingsarealet kan ikkje liggje i kantsona mot vassdrag. Då må det setje att ei vegetasjonssone mot vassdraget.
• Ved nydyrkinga skal det leggjast vekt på å sikre driftsmessige gode løysingar.

Til søknaden skal du leggje ved vedlegg. Vi tilrår at du har dette klart når du fyller inn søknaden.

Bruk skjemaet «Søknad om godkjenning av plan for nydyrking» (M 0160) for å søkje:

• Søknad om godkjenning av plan for nydyrking (M 160) 

Hugs å søkje i god tid før du set i gang tiltaket. Du må få løyve før du set i gang tiltaket.

• kommune og fylke
• kven som søkjer, og andre grunnopplysningar
• opplysningar om eigedommen og nydyrkingstiltaket
• dato og underskrift

I tillegg skal du leggje ved

• kart i farge (målestokk 1 : 5000) som viser det planlagde nydyrkingsarealet, framkomsten til nydyrkingsarealet, eigedommen og området omkring
• plan for grøfting av nydyrkingsarealet (med ei skildring av kvar stein / stubbar skal deponerast / dumpast)
• dersom relevant:
  • konsekvensutgreiing
  • skildring av planlagd drift av nydyrkingsarealet
  • kostnadsoverslag for nydyrking
  • kart over registrerte natur- og kulturlandskapsverdiar

Send søknaden med vedlegg til kommunen der arealet for nydyrking ligg, på e-post eller i vanleg post.

Om du får stadfesting på søknaden du har sendt inn, er avhengig av rutinar hos kvar enkelt kommune. Dersom kommunen ikkje gjer vedtak innan ein månad, skal kommunen sende deg orientering om saksbehandlingstid.

Når kommunen har fått søknaden, sjekkar dei opplysningane du har sendt inn. Dersom dei treng meir informasjon kan dei be om dette.

Kommunen hentar inn nødvendige fråsegner. Dette gjeld til dømes frå

• regional kulturstyresmakt (fylkeskommunen og/eller Sametinget)
• statsforvaltaren

Desse etatane får ein frist på minimum 1 månad på å uttale seg.

Når du har fått godkjent plan for nydyrking, kan kommunen føre tilsyn med at du held planen. Dette inneber også at du følgjer opp eventuelle vilkår som er sette til godkjenninga. Brot kan følgjast opp med pålegg om å reparere skade, heil eller delvis tilbaketrekking av godkjenning eller tvangsgebyr.

Du får svar på søknaden i form av eit vedtaksbrev frå kommunen. Saksbehandlingstida i kommunen varierer, ta kontakt med kommunen din for å få svar på dette.

Du kan klage på vedtaket. Klaga sender du til kommunen. Dersom kommunen ikkje gjer om vedtaket sitt, sender dei klaga og saksdokumenta til statsforvaltaren. Det

er statsforvaltaren som behandlar klagesaka og gjer endeleg vedtak i klagesaka. Klagefrist: 3 veker