Rapportere vegetabil og honning motteke av omsetningsledd

Du skal rapportere grunnlaget for forskingsavgifta – altså kor mykje du har betalt produsentar for kjøp av råvarer, og eventuelt kva du har selt eigne varer for.

• Avgifta gjeld norske vegetabil og honning som blir brukt i produksjon av næringsmiddel.
• Næringsmiddelproduksjon  inkluderer lagring, klassifisering, sortering, oppdeling og pakking av ubehandla produkt, og produksjon av halvfabrikat som skal bli brukt til konservar og ferdigretter.
• Avgifta gjeld òg ved eigen produksjon som blir selt direkte til forbrukar eller butikk.
• Omsetningsledd er føretak som ei vare passerer gjennom på veg til forbrukar. Det første leddet som kjøper råvarer frå produsenten, skal betale forskingsavgifta – ikkje produsenten sjølv.
• «Vegetabil» omfattar råvarer, halvfabrikata eller ferdigvare av vegetabilsk opphav, under dette; grønsaker, urter, røter, poteter, frukt, bær, bønner, frø og nøtter.
• Frå 2025 skal kjøp og sal av maiskolbar også vere med i rapporteringa. Anna korn har eiga rapportering.
• For importerte produkt er det tollregionane ved skattekontora som krev inn forskingsavgifta.
• Forskningsavgifta finansierer forsking og innovasjon i heile verdikjeda – frå primærledd til industri og forbrukar. Målet er å støtte forsking som gagnar ein bransje eller type produksjon. Les meir om forskningsmidlane for jordbruk og matindustri.

• Fakturabeløp (ekskludert mva) som føretaket har betalt produsentar for innkjøp av vegetabil og honning.
• Salspris for eventuelle eigne produkt som er selt direkte til forbrukar eller butikk.
• Har føretaket revisjonsplikt, må du leggje ved revisorattestert avgiftsgrunnlag ved rapporteringa for 4. kvartal/Hele året med frist 15. februar. Bruk skjemaet Revisjons- og kontrollskjema forskingsavgift på vegetabil og honning (LDIR-482).

Rapporten blir levert i eit digitalt skjema (Nettskjema) som krev innlogging via ID-porten. 

Skjema for rapportering på nynorsk

Rapporteringsfristar:

• 15. februar (for 4. kvartal eller heile året før)
• 15. april (for 1. kvartal)
• 15. august (for 2. kvartal)
• 15. oktober (for 3. kvartal)

Dersom fristen fell på ein helge- eller heilagdag, kan du sende skjema første yrkedag etter. 

Merk: Dersom det årlege avgiftsgrunnlaget til føretaket er under 3 millionar kroner, du rapportere berre éin gong i året - innan15. februar året etter. 

• Kva år og periode rapporten gjeld for
• Namn på føretaket og kontatperson
• Avgiftsgrunnlaget
• Eventuelle merknader
• Revisorattest (ved behov): Skjema LDIR-482,

Landbruksdirektoratet går gjennom det du har rapportert. Ved behov kan direktoratet be om meir informasjon.

Landbruksdirektoratet behandlar rapporten og bereknar kva føretaket skal betale i forskingsavgift.

Forskingsavgifta blir rekna til 0,35 % av avgiftsgrunnlaget. 

Dersom du ikkje rapporterer i tide, kan Landbruksdirektoratet fastsette avgiftsgrunnlaget ved skjønn eller lage retningslinjer for berekning av dette.

Du får faktura på e-post eller i posten. Avgifta må betalast innan fristen. Beløp under 100 kroner blir ikkje kravd inn.

Du kan klage på vedtaket. Klagen blir sendt til Landbruksdirektoratet. Dersom direktoratet ikkje gjer om vedtaket, blir saka sendt vidare til Landbruks- og matdepartementet.