Søke om tollkvote for Islandshest

Du kan søke om

• tollavgiftsfri kvote for kjøp av Islandshest frå Island
• inntil fem hestar per importør

Kvote for islandshest er underlagt dei same føresegnene som for annan import av levande hest. Dette gjeld mellom anna føresegner om dyrehelse- og meirverdiavgift etter regelverk gitt av Mattilsynet og tollstyresmaktene.

Det er mogleg å søke om dispensasjon frå krava i Forskrift om fordeling av tollkvoter for landbruksvarer. Dette kan berre bli gitt i særlege tilfelle.

Dersom du søker for eit føretak, skal du legge ved kopi av firmaattest. Vi anbefaler at du har dette klart når du registrerer søknaden.

Bruk skjema Tollkvote for Islandshest (LDIR-705), for å søke.

Søknadsfrist: frå 1. november året før kvoten er gyldig.

Kvotar blir tildelt etter «førstemann til mølla» prinsippet.

• kven som søker
• korleis du fekk kjennskap til ordninga
• talet på hestar du søker tollkvote for

Dersom du søker for eit føretak, skal du i tillegg legge ved

• kopi av firmaattest

Send søknaden med vedlegg til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 1450 Vika, N-0116 Oslo.

Når Landbruksdirektoratet får søknaden på e-post, får du ei bekrefting på at e-posten er motteken.

Når Landbruksdirektoratet har motteken søknaden blir opplysningane du har sendt inn sjekka. Ved behov for meir informasjon vil direktoratet be om dette.

Landbruksdirektoratet behandlar søknaden og gjer vedtak.

Søknaden kan bli tatt ut i kontroll. Du plikter å godta kontroll, gi nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tar lenger tid.

Du får svar på søknaden i e-post eller i brev i posten, innan 10 arbeidsdagar etter at søknaden er motteken.

Dersom søknaden blir innvilga, får du tilsendt eit importløyve. Denne må du ha tilgjengeleg ved innførsel. Viss du ikkje brukar kvoten, meld frå til Landbruksdirektoratet så fort som mogleg. Da kan kvotedelen bli omfordelt til andre søkarar.

Du kan klage på vedtaket. Klagen blir sendt til Landbruksdirektoratet. Landbruks- og matdepartementet vil behandle klagesaka viss ikkje Landbruksdirektoratet gjer om vedtaket.

Klagefrist: 3 veker.

Ved brot på reglane i forskrifta eller vilkår fastsett med heimel i forskrifta, kan Landbruksdirektoratet trekke heile eller deler av kvotedelen tilbake og/eller bestemme at kvotesøkar, bodgivar eller kvoteeigar mister tilgang til å bli tildelt kvotedelar etter denne forskrifta i inntil tre år.