Søkje om ostekvoter frå EU og Storbritannia

• andel av tollavgiftsfri kvote for ost med opphav EU
• andel av tollavgiftsfri kvote for ost med opphav Storbritannia (GB)

• Kvoteordninga gjeld rett til redusert tollavgift, for ei gitt mengd varer, innanfor ein gitt tidsperiode.
•  Kvoter som vert fordelt etter søknad, vert fordelte etter innkommande søknadar via det elektroniske søknadssystemet.
• Ostekvotene vert fordelte etter kvar søker sin andel av verdien av importert ost i ein kvalifiseringsperiode. Kvalifiseringsperioden er 24 månader fram til 1. oktober før kvoteåret.
• For EU-kvota må du ha importert minst 15 tonn ost, uavhengig av opphav, i kvalifiseringsperioden for å få tildelt kvote.
• For kvota frå Storbritannia må du ha importert minst 1 tonn ost frå Storbritannia i kvalifiseringsperioden for å få tildelt kvote.
• Kvotene vert fordelte på bakgrunn av andelen av den totale importverdien som er oppgjeve i søknaden.
• Ingen søkarar kan få meir enn 30 prosent av tollkvota for ost frå EU.
• I tillegg til fordeling av ostekvote frå EU etter søknad, vert det òg fordelt ein ostekvote frå EU på auksjon (3 400 tonn). Her kan du lese meir om auksjonsordninga.

Når du søkjer om andel av ostekvote frå EU eller Storbritannia, vert du bedd om å fylle ut verdien av din import av ost dei siste 24 månadane før 1. oktober. Du må difor ha dette klart før du søkjer.

For å søkje om ostekvote må du fyrst søkje opp den aktuelle kvota inne i søknadssystemet. Trykk på kvota og deretter på «søk om kvoteandel». Når du søkjer, vert du bedd om å fylle inn verdien av importert ost under posisjon 04.06 i tolltariffen i kvalifiseringsperioden. Kvalifiseringsperioden er dei siste 24 månadene fram til 1. oktober. Det er ikkje mogleg å sende inn ein søknad utan å oppgje importverdien.

Søkjer du om ostekvote frå EU, må du oppgje verdien av all importert ost under posisjon 04.06 i kvalifiseringsperioden. Søkjer du om ostekvote frå Storbritannia må du oppgje verdien av importert ost frå Storbritannia i kvalifiseringsperioden.

Du må sende søknaden via det elektroniske søknadssystemet. Er du interessert i ein andel av både kvota frå EU og kvota frå Storbritannia, må du sende inn ein søknad for kvar kvote. Me tek ikkje imot søknadar på e-post.

Landbruksdirektoratet får søknaden og handsamar han etter at fristen har gått ut. Me sjekkar opplysningane, og ber om fleire opplysningar om det er naudsynt.

Landbruksdirektoratet handsamar søknaden og fattar eit vedtak. For ostekvotene hentar me inn statistikk frå Statistisk sentralbyrå som kontrollgrunnlag for importverdien.

Du får ein e-post om at søknaden er ferdig handsama. Du må logge inn i søknadssystemet for å sjå sjølve vedtaket.

Du kan klage på vedtaket. Du sender klagen til Landbruksdirektoratet. Om Landbruksdirektoratet ikkje gjer om på vedtaket, så vil Landbruks- og matdepartementet handsame klagesaka.

Les meir om retten til å klage i forvaltningsloven kapittel VI. Du kan òg be om å få sjå dokumenta i saka, jf. forvaltningsloven § 18 til 19.

Klagefrist: 3 veker