Tilskot til frakt av korn

• frakt av korn frå overskotsområdet til produksjonsanlegg i underskotsområdet
• frakt av importert korn til produksjonsanlegg nord for Stavanger
• frakt av økologisk korn frå kornprodusent til nærmaste mottaksanlegg

Føremålet med frakttilskot er å «jamne ut prisane til produsent og forbrukar.» Ordninga er basert på at produsentane må dekke ein eigenandel av kostnadene.

Til søknaden skal du legge ved dokumentasjon på frakta.

Det finnast ikkje eit eige skjema for å søkje tilskot til frakt av korn. Nye søkarar kan ta kontakt med Landbruksdirektoratet for nærmare rettleiing.

Månadleg søknadsfrist: Innan den 15. i den følgande månaden.

Endeleg søknadsfrist: 15. februar året etter, for frakttilskot for føregåande kalenderår.

Send søknaden til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 1450 Vika, N-0116 Oslo.

Når Landbruksdirektoratet har motteke søknaden vert opplysningane du har sendt inn sjekka. Ved behov, kan direktoratet be om meir informasjon.

Landbruksdirektoratet handsamar søknaden og gjer vedtak.

Søknaden kan bli tatt ut til kontroll. Du pliktar å godta kontroll, gje nnaudsynte opplysningar, og hjelpe til med å gjennomføre kontrollen. Kontrollar kan gjere at sakshandsaminga tek lenger tid.

Du får svar på søknaden i e-post normalt 4 veker etter at søknaden er motteken.

Får du tilskot, blir pengane automatisk overført til konto. Det er Landbruksdirektoratet som utbetalar pengane.

Du kan klage på vedtaket. Klagen skal sendast til Landbruksdirektoratet. Landbruks- og matdepartementet vil handsame klagesaka viss ikkje Landbruksdirektoratet gjer om vedtaket.

Klagefrist: 3 veker.

Berekna tid for hamdsaming av klage: 4 veker.

Viss det er gjort feil i utbetalingar, ved regelbrot eller du har gitt feil opplysningar, kan Landbruksdirektoratet krevje tilbakebetaling og/eller avkorta tilskotet.