Målgruppa for ordninga er små matbedrifter med opptil ti tilsette. Det kan vera primærprodusentar eller næringsmiddelbedrifter som ønskjer å utvikla, foredla og selja kvalitetsprodukt baserte på lokale råvarer, eller reiselivsbedrifter som har utviklingsprosjekt i samarbeid med lokalmatprodusentar.

Produsentane får tilbod om praktiske og digitale kurs og det er etablert ei besøksordning. Les meir om moglegheitene på nettsida til kompetansenettverka for lokalmat. I tillegg til det matfaglege tilbodet hos kompetansenettverka for lokalmat vil nettverka frå 2026 også ha ansvaret for kursing innanfor økonomi og marknadsføring.

Kompetansenettverka er sentrale bidragsytarar til å oppnå regjeringas mål om at omsetninga av lokalmat skal auka til 25 mrd. kroner innan 2035.

I oppdragsbrevet til fylkeskommunane frå Landbruks- og matdepartementet side 7-9 er forvaltninga av ordninga nærare omtalt.

Meir om lokalmat

Stiftinga Norsk Mat driftar lokalmat.no som inneheld mykje nyttig informasjon til produsentar av lokal mat og drikke.

Det er også ei rekkje tilbod hos Innovasjon Noreg for lokalmatprodusentar, for meir informasjon kan du sjå på nettsidene til Innovasjon Noreg- om andre landbruks- og reindriftsbaserte næringar.

Organisering

Den overordna forvaltninga av ordninga ligg i Landbruksdirektoratet. Ansvaret er delegert vidare til fem fylkeskommunar som har ansvaret for kvart sitt regionale kompetansenettverk for lokalmat. For 2025 er løyvinga til ordninga på 15 mill. kroner. Midla er fordelte på desse kompetansenettverka:

Kompetansenettverket i Øst-Norge via Akershus fylkeskommune

Kompetansenettverket i Sør-Norge via Rogaland fylkeskommune

Kompetansenettverket i Vest-Norge via Vestland fylkeskommune

Kompetansenettverket i Trøndelag via Trøndelag fylkeskommune

Kompetansenettverket i Nord-Norge via Troms fylkeskommune
 

Midla til kompetansenettverka blir bestemt i jordbruksavtalen og informasjon finst på Regjeringen.no.