Áiddiid ja rusttegiid ceggema dohkkeheapmi

• Áiddiid ja rusttegiid ceggen mat galget bissut guhkit go ovtta áigodaga, ferte dohkkehuvvot. 
• Áiddiid ja rusttegiid ii galgga cegget nu ahte dat leat dárbbašmeahttumit fastin dahje mearkkašahtti vahágin dahje hehttehussan eanaeaiggádiidda dahje eará vuoiggalaš beroštumiide. 
• Stuorát rusttegiid dohkkeheapmi gáibida fágadovdi árvvoštallama oppalaš biraslaš váikkuhusain ja boazodoallofágalaš dárbbuin rusttegii. 
• Áiddiid ja rusttegiid mat galget ceggejuvvot suodjalanguvlui, ferte maiddái suodjalaneiseváldi dohkkehit. 

Ohcamuššii galggat bidjat mildosiid. Mii ávžžuhat du leat ordnen daid go čálát ohcamuša. 

Ii gávdno sierra ohcanskovvi áiddiid ja rusttegiid ceggema dohkkeheami várás. Don fertet ieš čállit ohcamuša ja sáddet dan poastan dahje e-poastan Muitte čállit buot dehálaš dieđuid ja bidjat mielddusin mildosiid mat leat dárbbašlaččat meannudit du ohcamuša. 

Ohcanáigemearri: jotkkolaš. 

• gii dat ohcá 
• fitnodatdieđut 
• čilget iežat boazodololaš dárbbuid geavahit rusttega 
• čilget gullá go doaibmabidju dohkkehuvvon doaibmanjuolggadusaide 

Dasa lassin berret don bidjat mielddusin (sorjavaš Stáhtahálddašeaddji mielddusgáibádusain) 

• rusttettevnnega mihtuiguin, bajilgovvakártta ja detáljakártta vuogas mihttolávas mas rusttega sajusteapmi čájehuvvo (omd. bajilgovvakárta M=1:50 000 ja detáljakártta M=1:5000)
• dokumentašuvnna dasa ahte ohcamuš lea čájehuvvon eanaeaiggádii dahje guovllu vuoigatvuođalaš geavaheddjiide, ja leat go sii miehtan doaibmabidjui dahje eai 

Sádde ohcamuša relevánta mildosiiguin e-poastan dahje poastareiven iežat boazodoalloguovllu Stáhtahálddašeaddjái. 

Lea ovttaskas Stáhtahálddašeaddji rutiinnaid duohken oaččut go don duođaštusa dasa ahte ohcamušat leat registrerejuvvon. 

Go Stáhtahálddašeaddji lea ožžon ohcamuša, de isket sii dieđuid maid don leat sádden. Jus dárbbašit eanet dieđuid, de sáhttet bivdit daid.

Stáhtahálddašeaddji sádde ohcamuša gulaskuddamii guoskevaš ásahusaide ja addet iežaset rávvaga ovdal go dat sáddejuvvo Eanadoallodirektoráhttii Boazodoallostivrra čállingoddin. Boazodoallostivra addá iežaset rávvaga ja sádde ášši Eanandoallo- ja Biebmodepartementii mii dahká loahpalaš mearrádusa. 

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami. Dárkkisteamit sáhttet vihpadit áššemeannudeami. 

Don oaččut vástádusa ohcamuššii e-poastan dahje reiven. 

Sáhtát váidit mearrádusa. Váidda sáddejuvvo Eanandoallo- ja biebmodepartementii. Gonagas stáhtaráđis meannuda váiddaášši jus Eanandoallo- ja biebmodepartemeanta ii rievdat mearrádusa.       

Váidináigemearri: 3 vahku maŋŋá go mearrádusa leat ožžon.