Tilskot til avrensordninga for potet

Kven ordninga gjeld

Godkjende omsetnadsledd kan inngå avtale med produsent av rektifisert potetsprit, potetmjøl og glykose om levering av avrenspotet. Omsetnadsledd i denne samanheng er føretak der matpotet utgjer heile eller delar av forretninga/foredlinga.

Produsent av rektifisert potetsprit, potetmjøl og glykose kan søke om tilskot til prisnedskriving.

Korleis delta

For å bli med i ordninga om levering av avrenspotetar, må føretaket bli godkjent av Landbruksdirektoratet. Deretter kan føretaket inngå avtale om leveranse av potetar med produsent av rektifisert potetsprit, potetmjøl og glykose.

Søk om godkjenning som omsetningsledd for å delta i markedsordningen for potet

For å søke om tilskot til prisnedskriving ved produksjon av potetsprit, potetmjøl og glykose, ta kontakt med Landbruksdirektoratet.

Kort om ordninga

Avrensordninga for potetar skal sikre avsetning av norskproduserte, frasorterte potetar i tilknyting til potetproduksjon, omsetnad av potetar og potetforedling. Prisen på avrenspotet blir fastsett i jordbruksavtalen.

Avrenspotetane blir brukt som råstoff i produksjon av rektifisert potetsprit, potetmjøl og glykose. Produsentar av desse produkta kan søke om tilskot til prisnedskriving. Prisnedskrivinga blir utbetalt etter selt volum/mengde av høvesvis potetsprit og potetstivelse. Satsane blir fastsett i jordbruksavtalen.  

Vilkår

• For å søke om prisnedskrivingstilskot etter jordbruksavtalen sine satsar må produsent av rektifisert potetsprit eller -stivelse tilby minimum treårig avtale om mottak av avrenspotetar frå godkjende omsetnadsledd i marknadsordninga for potetar.
• Produsent av rektifisert potetsprit eller potetstivelse skal, innanfor intervallet 80 til 120 prosent av avtalt årleg leveranse, tilby pris på avrenspotet som fastsett i jordbruksavtalen.
• Avtalt kvantum avrenspotetar kan bli avgrensa til den gjennomsnittlege leveranse til omsetnadsleddet av avrenspotet dei siste tre år før avtalen blir inngått.