Kjøp av grunnkvote frå staten

Kva kan du søkje om

Du kan søkje om å kjøpe grunnkvote for kumjølk frå staten.

Kort om ordninga

• Søknadsfrist: 1 oktober (søknaden vert normalt opna i byrjinga av august).
• Kjøpet gjeld frå 1. januar året etter.
• Du kan ikkje både selje grunnkvote og søkje om å kjøpe grunnkvote frå staten same år.
• Du kan ikkje kjøpe kvote som gjer at grunnkvota på eigedomen din overstig 700 000 liter kumjølk. Viss du allereie har meir grunnkvote enn dette, er det difor ikkje hensiktsmessig å søkje.
• Pris per liter er kr 4,00 + mva.
• Kor mykje du får tilbod om, vil avhenge av:
  • Mengda kvote som er tilgjengeleg for sal i din region
  • Kor mange som ynskjer å kjøpe grunnkvote frå staten
• Tilgjengeleg kvote innanfor kvar produksjonsregion vert fordelt likt mellom kjøparane, avgrensa til mengda kvar søkjer har bedt om.

Logg inn på tenesta Kvoteordninga for mjølk via Altinn for å søkje. Rettleiing for innlogging finn du på Altinn sine nettsider.

• I søknaden fyller du ut kor mange liter grunnkvote du ynskjer å kjøpe.
• Du kan også oppgi kva for føretak som skal disponere den kjøpte kvoten.
• Når søknaden er sendt, får du ei kvittering i din innboks i Altinn.

Landbruksdirektoratet behandlar søknadar om kjøp etter at alle søknader om sal av grunnkvote er ferdigbehandla. Det er fordi mengda kvote staten kan selje ut, er avhengig av kor mange liter som er selt til staten i din region.

Svar

I midten av oktober får du vedtaksbrev og faktura frå Landbruksdirektoratet.

Betaling

Betalingsfristen er 26. oktober.

Heile beløpet må betalast innan fristen, og det er ikkje mogleg å dele opp betalingen. Vi gir heller ikkje utsetjing av betaling. Viss betalinga ikkje er motteke innan fristen, fell tilbodet om kjøp bort.