Midlar til regionale tilretteleggingstiltak i landbruket (RT-midlane)
Formålet med tilskotet er å leggja til rette for regional næringsutvikling, rekruttering og kompetanseheving med mål om å styrkja verdiskapinga i landbruket.
Kven kan søkje
- Kommunar
- Lag og organisasjonar i landbruket
- Næringshagar og inkubatorar
- Organisasjonar som tilbyr landbruksrådgiving
- Samarbeidsorgan og nettverk innan landbruket
- Naturbruksskular
- Forskingsinstitusjonar
Søkjar må også vera registrert i Einingsregisteret.
Kva du kan søkje midlar til
Det kan givast tilskot til regionale tilretteleggingstiltak innan landbruksbasert næringsutvikling, under dette tiltak som bidreg til rekruttering og kompetanseheving hos næringsutøvarar. Omgrepet «landbruksbasert næringsutvikling» inkluderer tiltak innan både konvensjonell og økologisk drift, og dessutan andre landbruksbaserte næringar (t.d. lokalmat, gardsbaserte omsorgstenester m.m.).
Slik søkjer du
For informasjon om tilskotsordninga, faglege prioriteringar, søknadsfristar, krav til søknad m.m., gå inn på Regionalforvaltning.no eller fylkeskommunane sine nettsider. Søknad sendast til fylkeskommunen i regionen din.
I oppdragsbrevet til fylkeskommunane frå Landbruks- og matdepartementet side 6-7 er forvaltninga av ordninga nærare omtalt.
Har du generelle førespurnader om ordninga, ta kontak med Landbruksdirektoratet:
- Ann-Kathrin Billing, Telefon: 416 00 603.
- Tim Egil Vernang Endsjø, Telefon: 941 76 914