Doarjja orohagaide ja boazoservviide

• Bistevaš doarjja
  Bistevaš doarjja lea mearriduvvon vuođđosubmi orohagaid ja boazoservviid hálddašeapmái, plánemii ja resursahálddašeapmái. Dát guoská doarjagii hálddašeapmái, doibmii, HMS:i ja sadjásaččaide áhpehisvuođa ja riegádahttima olis lassin álbmotoaju oppalaš ortnegiidda.
• Molsašuddi doarjja
  Doarjja orohagaid ja boazoservviid hálddašeapmái, plánemii ja resursahálddašeapmái, ja doarjja sadjásažžii luomu ja astoáiggi olis. Dát ii guoskka orohagaide 17, 30A, 30B, 30C, Femund ja Trollheimen. Doarjja máksojuvvo dušše daidda siidaosiide maidda lea juolluduvvon buvttadanvuoitu unnimusat ovtta dain maŋimuš golmma doaibmajagiin.
• Doarjja roassogearggusvuhtii
  Doarjja roassogearggusvuhtii lea 150 % dan supmis maid ieš lea várren roassogearggusvuhtii. Orohat/boazosearvi ieš mearrida man olu áigu várret, muhto ferte leat unnimusat 5 000 kr.
• Sierra doarjja Trollheimenii
  Doarjja hálddašeapmái, plánemii ja resursahálddašeapmái, erenoamáš golut ja eahpedábálaš doarjja siidaosiide.

Fuomáš! Doarjagiid sturrodat lea sorjavaš das man orohaga ovddas don ozat.

• Ortnet galgá váikkuhit ovdánahttit boazodoalu guoddevaš boazodoallun, juolludit roassogearggusvuođa, sadjásašortnegat ja HMS-bargu. Sierra doarjja Trollheimenii.
• Vai oažžu doarjaga, de ferte orohat ja boazosearvi:
  • Leat doaimmas
  • Revisordohkkehuvvon rehketdoallu mannan jagi ovddas.
  • Dohkkehan orohatplána ja sádden ođđaseamos veršuvnna stáhtahálddašeaddjái.
  • Várret oasi doarjagis roassogearggusvuhtii.

Molsašuddi doarjja ja doarjja roassogearggusvuhtii ii juolluduvvo orohagaide 17, 30A, 30B, 30C ja Femund. Molsašuddi doarjja ii juolluduvvo Trollheimenii ge.

Ohcamuššii galggat bidjat mildosiid. Mii ávžžuhat du leat ordnen daid go registreret ohcamuš

Geavat skovi Søknad og rapporteringsskjema om tilskudd til reinbeitedistrikter og reinlag (LDIR-662) ohcat.

Muitte ohcanáigemeari suoidnemánu 15.b.

• Dieđuid orohaga birra.
• Deavddát go don oppalaš eavttuid.
• Várre roassogearggusvuhtii.
• Dieđuid maid relevánta veahkkeneavvuid orohat áigu háhkat dearvvašvuođa, birrasa ja sihkkarvuođa barggu oassin.

Dasa lassin galggat bidjat mielddusin:

• Orohaga dohkkehuvvon orohatplána / boazosearvvi dohkkehuvvon boazodoalloplána
• Orohaga revisordohkkehuvvon rehketdoalu mannan jagi ovddas.
• Boazosearvvi vejolaš revisordohkkehuvvon rehketdoalu mannan jagi ovddas.
• Duođaštusa báŋkkus ahte lea ásahuvvon sierra báŋkokontu roassogearggusvuhtii.
• Kontučáláhusaid mannan jagi roassogearggusvuođafoanddas.
• Vejolaš sadjásašortnega buozalmasvuođa ja áhpehisvuođa oktavuođas.

Sádde ohcamuša mildosiiguin iežat boazodoalloguovllu Stáhtahálddašeaddjái e-poastan dahje dábálaš poastan.

Lea iešguđet stáhtahálddašeaddji rutiinnaid duohken oaččut go don duođaštusa ahte don leat sádden ohcamuša.

Go Stáhtahálddašeaddji lea ožžon ohcamuša, de isket sii dieđuid maid don leat sádden. Jus dárbbašit eanet dieđuid, de sáhttet bivdit daid.

Jus leat boasttuvuođat dahje váilevašvuođat, de sii váldet oktavuođa duinna telefovnna, e-poastta dahje reivve bokte. Don oaččut govttolaš áigemearri divvut ohcamuša. Jus it divo áigemeari siste, de du ohcamuš hilgojuvvo.

Stáhtahálddašeaddji meannuda ohcamuša ja dahká loahpalaš mearrádusa.

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami. Dárkkisteamit sáhttet vihpadit áššemeannudeami.

Don oaččut vástádusa ohcamuššii e-poastan dahje reiven.

Jus oaččut doarjaga, de ruhta automáhtalaččat biddjojuvvo kontui. Eanadoallodirektoráhtta dat máksá ruđa.

Jus oaččut doarjaga, de lea du iežat ovddasvástádus bidjat oasi roassogearggusvuhtii. Dan bijat sierra kontui roassogearggusvuođafoandda várás.

Sáhtát váidit mearrádusa. Váidda sáddejuvvo du boazodoalloguovllu Stáhtahálddašeaddjái. Eanadoallodirektoráhtta dat meannuda váiddaášši.

Váidináigemearri: 3 vahku

Jus máksimis lea dahkkon boasttuvuohta, jus njuolggadusat leat rihkkojuvvon dahje jus don leat almmuhan boasttudieđuid, de sáhttá Eanadoallodirektoráhtta gáibidit ruovttoluotta máksit ja/dahje vuolidit doarjaga.