Tips oss
Du kan tipse Landbruksdirektoratet om juks med tilskot og reguleringar innan jordbruk, skogbruk, reindrift, næringsmiddelindustri, matimport/eksport og naturskadeerstatning.
Vi ønskjer tips og varsel om mogleg juks
Juks i samanheng med landbruk, næringsmiddelindustri og naturskade kan gjelde alle typar tilskot og erstatningar utbetalt av Landbruksdirektoratet. I tillegg kan det vere snakk om juks med reguleringar, slik som bu- og driveplikt, mjølkekvotar, tollkvotar, regulering av svine- og fjørfeproduksjon og plikt til å betale avgifter for omsetning av landbruksprodukter.
Har du mistanke om slike lovbrot, vil vi gjerne høyre frå deg.
Slik tipsar du
Du kan tipse oss på følgjande måtar:
- Sende e-post til: tips@landbruksdirektoratet.no
- Sende brev til: Landbruksdirektoratet v/seksjon ekstern kontroll, Postboks 56, 7701 Steinkjer
Du kan bruke skjema Tips om juks innan landbruk, næringsmiddelindustri og naturskade når du tipsar oss på e-post eller i brev. Då kan du også leggje ved dokumentasjon for å opplyse saka for oss.
Ved spørsmål kan du kontakte oss på telefon 78 60 60 00 (ope 9-15 alle kvardagar).
Anonymitet
Du kan velje å gi tips anonymt. Bruker du digitalt skjema, kryssar du av for at du ønskjer å vere anonym. Sendar du tipset på annan måte, må du passe på at det ikkje kjem fram opplysningar som kan identifisere deg.
Du kan også velje å vera open om identiteten din, og gi oss høve til å kontakte deg. Om du gir oss løyve til å kontakte deg, er det enklare for oss å følgje opp tipset.
Kva skjer med tipset mitt?
Landbruksdirektoratet vurderer tipset og korleis det skal følgjast opp. Det er ikkje sikkert du blir kontakta sjølv om du har gitt oss løyve til det.