Verrošeamit eanandoalu, biebmogálvoindustriija ja luondduvahátbuhtadusa oktavuođas sáhttet gustot buot doarjagiidda ja buhtadusaide maid Eanandoallodirektoráhtta máksá. Dasa lassin sáhttá leat sáhka njuolggadusverrošeami birra, nu go ovdamearkka dihte orrun- ja doaibmageatnegasvuođa, mielkeeari, duolloeari, spiinne- ja vuoncábuvttadeami njuolggadusaid birra ja divatmáksingeatnegasvuohta eanandoallogálvvuid buvttadeami oktavuođas.

Jus don várohat dakkár lobihisvuođaid birra, de mii áinnas áigut ahte cavgilat midjiide.

Mo cavgilat

Sáhtát cavgilit čuovvovaš vugiid mielde:

  • Geavat digitálalaš skovi: Cavgil verrošemiid birra eanandoalus, biebmogálvoindustriijas ja luondduvahátbuhtadusas
  • Sádde e-boastta čujuhussii: tips@landbruksdirektoratet.no
  • Sádde reivve čujuhussii: Landbruksdirektoratet v/seksjon ekstern kontroll, Postboks 1450 Vika, 0116 Oslo

Sáhtát geavahit skovi Cavgil verrošemiid birra eanandoalus, biebmogálvoindustriijas ja luondduvahátbuhtadusas go cavgilat midjiide e-boastta bokte dahje reivves. Sáhtát maiddái bidjat mildosiid čuvgen dihte ášši midjiide.

Jus leat jearaldagat, de sáhtát riŋget midjiide telefovnna bokte 78 60 60 00 (rabas 9-15 rádjái árgabeivviid).

Anonymitehta

Sáhtát válljet anonymalaččat cavgilit. Jus geavahat digitála skovi, de merket ahte áiggut leat anonyma. Jus eará láhkái cavgilat, de fertet dárkkistit ahte eai boađe ovdan dieđut mat sáhttet dovddiidahttit du.

Sáhtát maiddái válljet dovddiidahttit iežat identitehta, ja addit midjiide vejolašvuođa váldit duinna oktavuođa. Jus attát midjiide lobi váldit oktavuođa duinna, de lea álkibut čuovvolit cavgileami.

Mii geavvá mu cavgilemiin?

Eanandoallodirektoráhtta árvvoštallá cavgileami ja mo dan galgá čuovvolit. Ii leat sihkar ahte mii váldit duinna oktavuođa vaikko leat addán lobi dahkat dan.