Doarjja boares áide- ja gárderusttegiid rádjamii

Don sáhtát ohcat doarjaga rádjat boares áiddiid, stoalppuid ja gárdái gullevaš rusttegiid mat eai leat šat anus.

• Ulbmil ortnegiin lea čorget eret boares áide- ja gárderusttegiid mat leat hehttehussan olbmuide ja elliide luonddus
• Áide-/gárderusttet galgá boahtit áiddis/gárddis mii lea ohcci boazodoalloguovllu siskkobealde ja galgá leat dakkár mii ii šat geavahuvvo boazodoalus.
• Ohcci geatnegahttá iežas doalvut áiddiid, biikastráŋggaid, impregnerejuvvon áidestoalppuid ja eará rusttegiid mat gullet áidái lagamus dohkkehuvvon vuostáváldinbáikái dahje geavahit rusttegiid eará doaimmaide.

Ohcamuš sáddejuvvo stáhtahálddašeaddjái du boazodoalloguovllus.

Ohcamuša mielddusin galget

• Kárta ja govat mat čájehit gos áide-/gárderusttegat leat
• Haddemeroštallama mas čájehuvvo sullii man olu áide-/gárderusttegiid rádjan boahtá máksit
• Eará duođaštusat mat leat mearkkašahtti ohcamuššii

Sádde ohcamuša stáhtahálddašeaddjái du boazodoalloguovllus.

Skovvi man galggat geavahit lea dat seamma mii namuhuvvo BOF-njuolggadusas § 1-6 nuppi láđđasis. Dat ortnet lea okta dain ortnegiin.

• Olles nama ja ohcci persovdna/organisašuvdnanummára
• Čujuhus mas lea poastanummár ja poastabáiki
• E-poasta čujuhusa
• Telefovdnanummára
• Kontonummára
• Orohatnummára

Muitte ahte galggat vuolláičállit ohcamuša.

Dasa lassin galggat bidjat mielddusin

• Kártta ja govaid mat čájehit gos áide-/gárderusttegat leat
• Haddemeroštallama mas čájehuvvo sullii man ollu rádjan boahtá máksit-
• Haddemeroštallamis galget čuovvovaš dieđut 
  • Makkár áidi/gárdi dat lea
  • Makkár áidebiergasat leat geavahuvvon áidái/gárdái
  • Gos dat lea
  • Man guhkkin eret dat lea luottas
  • Golut áide-/gárderusttegiid doalvumii dohkkehuvvon vuostáiváldinbáikái
  • Galle diimmu bargu dat lea ovttaskas olbmui dahje olbmuide
• Eará áššáiguoskevaš dieđut

Jus dus ii leat vejolašvuohta sáddet ohcamuša stáhtahálddašeaddjái e-poastta bokte, de sáhtát sáddet dan dábálaš poasta bokte.

Sádde ohcamuša mildosiiguin stáhtahálddašeaddjái du boazodoalloguovllus. Iešguđetge stáhtahálddašeddjiin soitet iešguđetlágan vuogit máhcahit duođaštusa ahte leat sádden ohcama.

Go stáhtahálddašeaddji oažžu ohcamuša, de sii isket dieđuid maid leat addán. Jus sii dárbbašit eanet dieđuid, de sii sáhttet bivdit daid dus.

Stáhtahálddašeaddji ráhkkanahtte ášši, diđošta jus dárbbašuvvo ja čállá evttohusa Boazodoalu ovdánahttinfondii mii sáddejuvvo Eanandoallodirektoráhttii. Stivra meannuda ohcamuša ja dahká mearrádusa jus ohcansupmi lea badjel 200 000 ruvnno. Jus lea vuollel 200 000 ruvnno, dalle Eanandoallodirektoráhtta meannuda ášši áirrasgotti bokte.

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkkin čađahit dárkkisteami. Dárkkisteapmi sáhttá maŋidit áššemeannudeami.

Don oaččut vástádusa e-poasttas dahje boasttas. Man guhká ášši ádjána meannudit boahtá das ahte goas diđošteami sáhttá čađahit ja makkár supmi lea ohcan. Jus doarjjasubmi lea badjel 200 000 ruvnno, dalle galgá Boazodoalu Ovdánahttinfoandda stivra meannudit ášši. Stivrras leat gaskkal 4 ja 6 čoahkkima jagis, ja jus ohcamuš šaddá stivrra duohkái, dalle ádjána guhkit meannudit ášši. Jus leat ohcan vuollel 200 000 ruvnno ja Eanandoallodirektoráhtta galgá meannudit ášši, dalle ii váldde nu guhkes áiggi.

Jus doarjja juolluduvvo, de ruhta máksojuvvo automáhtalaččat kontui. Eanandoallodirektoráhtta dat máksá.

Don sáhtát váidit áššemearrádusa. Váidaga galgá sáddet Eanandoallodirektoráhttii. Eanandoallo- ja biebmodepartemeantta meannuda váidaga jus Boazodoalu Ovdánahttinfoandda stivra ii rievdat mearrádusa.

Váidináigemearri: 3 vahkku

Jus lea boastut máksojuvvon, jus lea rihkkon njuolggadusaid dahje leat boasttudieđuid addán, de sáhttá Eanandoallodirektoráhtta gáibidit ruđaid ruovttoluotta ja/dahje unnidit doarjaga.