Boazodoallošiehtadusa 2023/2024 vuođul sáhttá Boazodoalu Ovdánahttinfoandda stivra (BOF) juolludit stipeandda dakkár olbmuide geain leat bohccot iežas mearkkas ja geat leat čállime masterbarggu boazodollui guoskevaš fáttás. Stipeanda lea 15 000 ruvnno, ja ortnet lea váldon mielde Boazodoalu Ovdánahttinfoandda njuolggadusaide § 1-6 nubbi lađas bustávva l, gustovaš suoidnemánu 2023 rájes.
1.Ulbmil
Ulbmil ortnegiin lea loktet gealbbu olbmuide geain leat bohccot iežas mearkkas ja geat gazzet oahpu alit dásis.
Ortnet galgá veahkkin nannet boazodolliid máhttovuođu iešguđetge suorggis boazodoalus. Stipeanda galgá váikkuhit ahte ođđa áššit dutkojuvvojit mat bohtet buorrin ealáhussii.
2.Definišuvdna
Boazodollui guoskevaš masterbargu: Bargu galgá loktet fáttá mii guoskkaha boazodoallofágalaš surggiid ja mii evttoha ovdánahttit boazodoalu. Ovdamearkka dihte ekonomalaš suorgi, areálageavahus, ođđa teknologiija, njuolggadusat, iešstivrejupmi, elliidčálgu, árbediehtu, klimáhta, borasspiret, boazofuođđarat. Listtu ii leat ollislaš.
3.Eavttut
Ohccis galget leat bohccot iežas mearkkas.
Ohcci galgá leat registrerejuvvon masterstudeantan dohkkehuvvon oahppanásahusas. Bachelorbargguid ovddas ii oaččo doarjaga.
Masterbarggus galgá leat boazodoallofágalaš fáddá/sisdoallu.
Barggu fáddá ja čuolbma galgá leat dohkkehuvvon bagadallis/oahppanásahusas.
Lea eaktun ahte barggu galgá sáhttit almmuhit boazodoalloealáhussii, ovdamearkka dihte Eanandoallodirektoráhta kanálaid bokte.
4.Ohcamuša meannudeapmi
Stipeandaohcamuša galgá sáddet sierra skoviin Eanandoallodirektoráhttii. Ohcci galgá deavdit prošeaktačilgehusa mii čilge barggu sisdoalu ja čuolmma. Duođaštus oahppanásahusas ahte fáddá/čuolbma lea dohkkehuvvon galgá biddjot mielddusin.
Ohcci galgá dieđihit barggu sisabuktináigemeari ja sensuráigemeari birra.
Ohcanáigemearri: Stipeandda galgá ohcat maŋemusat 3 mánu maŋŋel barggu sensuvra lea dahkkon.
5.Máksin
Doarjjavuostáiváldi oažžu 50% stipeanddas go dat juolluduvvo. Nubbi 50% stipeanddas máksojuvvo go studeantta lea addán duođaštusa ahte bargu lea addojuvvon sisa ja ohcci lea ceavzán. Eanandoallodirektoráhtta ferte oažžut kopiija dohkkehuvvon masterbarggus.
Duođaštusaid sáddet lea 3 mánu maŋŋel barggu sensuráigemeari. Jus sensuvra váidojuvvo studeanttas, de galgá studeantta sáddet dieđuid dan birra Eanandoallodirektoráhttii, ja áigemearri duođaštit lea dalle 3 mánu maŋŋel go váidda lea mearriduvvon.
Buozalmasvuođa dahje eará dilálašvuođaid bokte mat dagahit ahte studeantta maŋŋona oahppoháhkamis, de sáhttá áigemearri maŋiduvvot dakkár vugiin mii oktiivástida dohkkehuvvon maŋideamicealkámušain oahppanásahusas. Ohcci ferte sáddet duođaštusaid dan birra Eanandoallodirektoráhttii.
6.Ruovttoluottamáksin ja unnideapmi
Máksojuvvon stipeanda sáhttá gáibiduvvot ruovttoluotta máksojuvvot jus:
Masterbargu ii dohkkehuvvo, dahje duođaštus das ahte bargu lea dohkkehuvvon ii leat sáddejuvvon áigemeari siskkobealde.
Studeantta loahpaha studerema dahje rievdada barggu fáttá nu ahte dat ii šat oktiivástit stipeandda eavttuiguin, dalle sáhttá doarjja gáibiduvvot ruovttoluotta máksojuvvon.
Jus barggu sisdoallu ii oktiivástit doarvái čuolmma čilgehusain ohcamušas, vaikko studeantta cevzzii bargguin, de sáhttá doarjja unniduvvot.