Doarjja meahccemánáidgárdái

• Orohaga geassesiidda ovddas sádde stivra dahje son gii leat ožžon válddi dahkat dan stivrra ovddas, ohcamuša. 
• Boazoservviid ovddas sádde boazosearvvi jođiheaddji ohcamuša.  
• Dálvesiiddas ferte siidda siidaoassejođiheaddji sáddet ohcamuša. 

Sáhtát ohcat doarjaga mánnágehččui meahccemánáidgárddis boazodoallobargguid oktavuođas. 

• Meahccemánáidgárdi ferte organiserejuvvot stuorát boazodoallobargguid oktavuođas. 
• Seamma ohcci sáhttá dušše oažžut doarjaga gitta golmma vahkkui juohke jagi. 
• Lea mánáid várás gitta dan mánnui go álget skuvlii. Ii gávdno vuolit ahkerádjá. 
• Mánná ferte searvvat daidda bargguide ja máhttohuksemii maid meahccemánáidgárdi fállá. 
• Mánná ferte gullat orohahkii/siidii/boazosearvái mii ohcá.   
• Dušše doarjja iešalddis mánnágehččui gokčojuvvo. 
• Sáhttá juolluduvvot doarjja iežas mánáid ja/dahje guoimmi/ovttasássi mánáid gehččui jus mánát bearráigehččojuvvojit oassin joavkkus ovttas eará mánáiguin, ja iežas mánát ja/dahje ovttasássi mánát eai dagat eanet 1/3 dán joavkkus. 

Ohcamuššii galggat bidjat mielddusin bargošiehtadusa. Mii ávžžuhat du leat ordnen daid go registreret ohcamuša. 

Geavat skovi Tilskudd til feltbarnehage (LDIR-663) go ozat.  

Muitte ohcat unnimusat guokte vahku ovdal go boazodoallobarggut álget. 

• gii dat ohcá 
• kontonummara 
• dieđuid sadjásačča birra 
• dieđuid meahccemánáidgárddi birra oktan plánejuvvon doaimmaiguin ja stuorát boazodoallobargguiguin 
• nama ja riegádanbeaivvi buot mánáin geat leat meahccemánáidgárddis, ja guđe orohahkii mánná gullá 

Dasa lassin galggat bidjat mielddusin 

• bargošiehtadusa gaskal orohaga/geassesiidda/boazosearvvi/siidaoassejođiheaddji ja mánnágeahčču. 

Sádde ohcamuša mildosiiguin Eanadoallodirektoráhttii e-poastan postmottak@landbruksdirektoratet.no, dahje Landbruksdirektoratet, Postboks 1450 Vika, N-0116 Oslo.   

Go Eanadoallodirektoráhtta lea ožžon ohcamuša, de oaččut duođaštusa e-poastan dahje reiven poasttas.  

Go Eanadoallodirektoráhtta lea ožžon ohcamuša, de iskojuvvojit dieđut maid don leat sádden. Jus direktoráhtta dárbbaša eanet dieđuid, de dat sáhttá bivdit daid. 

Ohcamuša meannuda vuos Eanadoallodirektoráhtta. Sii ráhkadit árvalus Boazodoalu Ovdánahttinfoandda stivrii. Stivra árvvoštallá ohcamuša ja dahká loahpalaš mearrádusa. Sii sáhttet maiddái bivdet eanet dieđuid ja dasto ođđasit árvvoštallat. 

Eanadoallodirektoráhtta meannuda ohcamušaid main ohccojuvvo gitta 200 00 kruvnna mat eai leat prinsihppaláganat. Mearrádus biddjo ovdan stivrii diehtun. 

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami. Dárkkisteamit sáhttet vihpadit áššemeannudeami. 

Don oaččut vástádusa ohcamuššii e-poastan dahje reiven, dábálaččat 3 vahku maŋŋá go mii leat ožžon ohcamuša. 

Jus oaččut doarjaga, de 50 % ruđas automáhtalaččat biddjo kontui. Báhcán 50 % sirdojuvvojit go rehketdoallu ja duođaštusat leat sáddejuvvon ja dohkkehuvvon. Eanadoallodirektoráhtta dat máksá ruđa. 

Sáhtát váidit mearrádusa. Váidda sáddejuvvo Eanadoallodirektoráhttii. Eanadoallo- ja biebmodepartemeanta meannuda váiddaášši jus Eanadoallodirektoráhtta ii rievdat mearrádusa.                

Váidináigemearri: 3 vahku. 

Meroštallon váiddameannudanáigi: 3–4 vahku. 

Jus máksimis lea dahkkon boasttuvuohta, jus njuolggadusat leat rihkkojuvvon dahje jus don leat almmuhan boasttudieđuid, de sáhttá Eanadoallodirektoráhtta gáibidit ruovttoluotta máksit ja/dahje vuolidit doarjaga.