Doarjja mearkkašahtti boazovahágiid oktavuođas lihkohisvuođaid geažil

Don sáhtát ohcat doarjaga dan siidaoasi dahje boazosearvvi olggosgoluide, geat leat gillán mearkkašahtti boazovahága lihkohisvuođa geažil.

• Boazovahát galgá leat unnimusat 10 proseantta ealus, dahje unnimusat 150 bohcco. Meroštallan dahkko maŋemus almmolaš dárkkistuvvon boazolohkamis dahje “Boazodoallodieđáhusa” vuođul jus maŋemus boazodoallojagis ii leat leamaš almmolaš dárkkistuvvon boazolohkan.
• Doarjaga ii sáhte oažžut jus lea massán vuollel 10 bohcco.
• Boazovahága ággan galgá leat vuorddekeahtes ja fáhkka dáhpáhus mii dagahii ahte máŋga bohcco dušše, ja man boazoeaiggát ii sáhttán govttolaš vuogi mielde hehttet.
• Siidaoasit ja boazosearvvit galget ožžon buvttadanvuoittu unnimusat oktii maŋemus golmma jagis ja boazolohku galgá oktiivástidit doarjja siidaosiide ja boazoservviide-njuolggadusain.
• Boazovahágii ii sáhte ožžon buhtadusa eará ortnegiid mielde.
• Stáhtahálddašeaddji, šibitdoavttir, almmolaš bearráigeahčči dahje sadjásaš dáidda galgá duođaštan boazovahága.
• Boazovahát galgá dieđihuvvon dakkaviđe stáhtahálddašeaddjái ja orohatstivrii.
• Don galggat bidjan johtui dárbbašlaš doaibmabijuid eastadan/hehtten dihte boazovahága.

Boazodoalu ovdánahttinfoanda

Ii gávdno sierra skovvi doarjagii mearkkašahtti boazovahágiidda lihkohisvuođaid geažil. Don čálát ohcamušreivve friddja teavsttas.

Muitte ohcat ovdal go lea mannan 12 mánu lihkohisvuođa rájes.

• Ohcci nama
• Masa ozat doarjaga
• Listu bohccuin maid leat massán, juhkkojuvvon sohkabeali ja agi mielde (badjel 2 jagi, 1-2 jagi, miessi)
• Čilgehusa das mii dáhpáhuvai ovdal vahága
• Čilgehusa álggahuvvon doaibmabijuin mat galget eastadit/unnidit vahága

Dasa lassin galggat bidjat mielddusin

• Rábbeduođaštusa
• Eará áššáiguoskevaš mildosat

Sádde ohcamuša mildosiiguin Eanandoallodirektoráhttii e-poastta bokte čujuhussii postmottak@landbruksdirektoratet.no dahje poastta bokte čujuhussii Landbruksdirektoratet, Postboks 56, 7701 Steinkjer.

Go Eanandoallodirektoráhttii lea boahtán ohcamuš, de oaččut duođaštusa e-poastta dahje poastta bokte.

Go Eanandoallodirektoráhtta oažžu ohcamuša, de sii isket dieđuid maid leat addán. Buot dárbbašlaš dieđut ja mildosat galget leat sáddejuvvon Eanandoallodirektoráhtta ovdal áigemeari jus ohcamuš galgá dohkkehuvvot.

Álggos meannuda Eanandoallodirektoráhtta ohcamuša. Direktoráhtta dahká árvalusevttohusa Boazodoalu Ovdánahttinfoandda stivrii. Stivra meannuda ohcamuša ja váldá loahpalaš mearrádusa áššis. Direktoráhtta sáhttá maiddái bivdit eanet dieđuid, ja de meannudit ođđasit.

Eanandoallodirektoráhtta meannuda ohcamušaid main ohcansupmi lea unnit go 200 000 ruvnno ja main eai badján prinsihpalaš čuolmmat. Áššemearrádus ovdanbuktojuvvo stivrii diehtojuohkima dihte.

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkehit dárkkisteami čađahemiin. Dárkkisteapmi sáhttá maŋidit áššemeannudeami.

Don oaččut vástádusa e-poastta dahje reivve bokte dábálaččat 3-4 vahku maŋŋel go ohcamuš lea joavdan.

Jus dutnje juolluduvvo doarjja, de máksojuvvo ruhta automáhtalaččat kontui.

Eanandoallodirektoráhtta dat máksá ruđaid.

Ruovttoluottamáksin ja unnideapmi

Jus lea boastut máksojuvvon, jus leat rihkkon njuolggadusaid dahje addán boasttudieđuid, de sáhttá Eanandoallodirektoráhtta gáibidit doarjaga máksojuvvot ruovttoluotta ja/dahje doarjaga supmi unnidit. Ruhta mii ii leat geavahuvvon galgá máksot ruovttoluotta.

Don sáhtát váidit mearrádusa. Váidaga sáddet Eanandoallodirektoráhttii. Eanandoallodirektoráhtta ráhkkanahttá váiddaášši Boazodoalu ovdánahttinfoandda stivrii, geat dahket áššemearrádusa. Eanandoallo- ja biebmodepartemeantta dahket loahpalaš mearrádusa váiddaáššis.

Váidináigemearri: 3 vahku

Áigi váidinmeannudeapmái: dábálaččat 3-4 vahku