Til hovedinnhold

Ohcan mearkaregistaris

For å få informasjon om det enkelte reinmerke, kan du slå opp i appen Mearka på din mobil.

App:a birra 

Eanadoallodirektoráhtta almmuhii čakčamánu 2022 ođđa app:a mas sáhttá ohcat dohkkehuvvon mearkkaid našuvnnalaš registaris, mearkaregisttar “Mearka”. App:a doaibmá buot geavahanvuogádagain, muhto lea earenoamážiid heivehuvvon dainna jurdagiin ahte dan galgá sáhttit atnit go lea meahcis, namalassii giehtatelefovnna bokte. App:ain sáhttá viežžat dieđuid buot mearkkaid birra, ja dan sáhttá de atnit interneahta haga.

Váldodoaibma app:as lea ahte dainna sáhttá ohcat ovtta dahje eambbo mearkkaid ja das leat dieđut dan/daid birra. Geavaheaddji sáhttá ohcat boazoguohtunguovllu, orohaga, ja mearkasániid mat leat mearkkas. Mearkkat čájehuvvojit govain, mearkanummariin, mearkasániid, boazoguohtunguovllu, orohaga, siidda (orohat 16) ja registrerendáhtona.

Registrerejuvvon mearkaeaiggádat sáhttet beassat neahttaverráha, ID-porten dahje ID-portála, bokte logget registarii, vai besset oaidnit eambbo dieđuid mearkka birra – nu go mearkaeaiggáda nama, ja makkár siidaoassái gullá. Dakkár dieđut eai leat rabas buohkaide, dan dihte go mearkkaid eaiggátvuohta rehkenastojit leat hearkkes persovdnadiehtun.

Olbmuin, geain barggu geažil lea dárbu beassat ollásit oaidnit registara, sii sáhttet váldit oktavuođa stáhtahálddašeddjiin, geat fas sáhttet addit lobi oaidnit registara.

Installašuvdna ja geavaheapmi 

Ovttadagas mas plánet geavahit app:a, de manat:

https://www.landbruksdirektoratet.no/reinmerker-innsyn/

Go dus lea vejolašvuohta beassat internehttii, de it dárbbat dahkat šat maide – don sáhtát dál ohcat mearkkaid mearkaregistaris.

Jus háliidat geavahit app:a  maiddái dalle go it beasa internehttii, de fertet čuovvut bagadusa mii ihtá álgosiiddus. Bagadus lea dan mielde makkár giehtatelefovnna/neahttalogana anát.

iPhone/ipad – Geavat Safari neahttalogana 

iphone_1.png
Deaddil ikonii mii lea vuolemusas šearpmas.

 

iphone_2.png
Vállje "Legg til på Hjem-skjermen" (Viečča Ruovttu-šerbmii).

Android – Geavat Chrome neahttalogana

1_android.jpg
Deaddil dien golmma-čuoggá ikonii mii lea bajimusas olgeš bealde šearpmas.

 

2_android.jpg
Vállje "Legg til på startsiden". FUOMÁŠ! Muhtin Android-ovttadagain čuožžu “Installer appen” dahje “Installer Mearka”, dan sadjái go “Legg til på startsiden”.

Ođđa dieđut ja ođđa appa:a veršuvnnat

App: a boahtá automáhtalaččat ohcat rievdadusaid ja viežžat ođđa dieđuid. Don it dárbbat dahkat maide eará go ahte leat interneahtas gaskkohagaid, vai sáhtát oažžut daid ođđaseamos dieđuid. Seamma guoská maid app:a ođđa veršuvnnaid ođasmahttimii.