Rievdadit siidaoasi miellahtuid
Don sáhtát rievdadit siidaoassemiellahtuid olles jagi mielde.
Miellahttolistu galgá leat ollislaš daiguin miellahtuiguin mat ledje miellahtut njukčamánu 31. beaivvi go sáddet boazodoallodieđáhusa. Jus rievdadat maŋŋel go boazodoallodieđáhus lea sáddejuvvon, de dát čájehuvvojit boahtte jagi dieđáhusas.
Muhtun rievdadusaid ferte son geasa rievdadus guoská dohkkehit. Jus ovdamearkka dihte dieđihat ahte okta du miellahtuiguin lea sirdán nuppi siidaoassái boazodoallojagis, de ferte nuppi siidaoasi jođiheaddji logget sisa ja dohkkehit sirdima.
Go sáddet boazodoallodieđáhusa, de lea dehálaš ahte miellahttolisttu lea riekta. Dieđut geavahuvvojit earret eará siidaoasse- ja boazosearvedoarjaga meannudeapmái, meroštallan dihte vuođu buvttadanvuitui ja miessenjuovvandoarjagii.
Buot boazoeaiggádat geat leat miellahtut siidaoasis sáhttet logget sisa digitála čovdosii oaidnin dihte njuvvojuvvon bohccuid dahje reidejuvvon bohccuid maid njuovahat lea registreren boazoeaiggáda nammii.
Makkár rievdadusaid sáhtát dahkat
| Dieđihit ahte miellahttu sirdá nuppi siidaoassái | Don fertet deavdit nuppi siidaoasi jođiheaddji siidaoassekoda ja mearkanummára Nuppi siidaoasi jođiheaddji ferte dohkkehit sirdima |
|---|---|
| Dieđihit miellahtu oalát eret boazodoalus | Stáhtahálddašeaddji ferte dohkkehit eretdieđiheami |
| Dieđihit ahte miellahttu šaddá dásseárvosaš jođiheaddjin (ásahit oktasaš siidaoasi) | Miellahttu gii šaddá jođiheaddjin ferte dohkkehit rievdadusa |
| Dieđihit sisa miellahtu gii ii leat miellahttu eará siidaoasis | Don fertet deavdit ođđa miellahtu riegádandáhtona ja mearkanummára |
| Dieđihit iežat eret dásseárvosaš jođiheaddjin |
|
| Rievdadit rolla Eará miellahtus Jođiheaddji mánnán |
|
| Rievdadit rolla Jođiheaddji mánás Eará miellahttun |
|
Mo galgá rievdadit
Don sáhtát logget sisa dákko dahkat rievdadusaid.
- Go leat loggen sisa, de válljet Geahča ja rievdat miellahtuid
- Oza miellahtu man áiggut rievdadit, ja vállje rievttes funkšuvnna
Siidaoasi sirdin ođđa jođiheaddjái ferte ain dieđihuvvot sierra skoviin Stáhtahálddašeaddjái. Meannudeapmi sáhttá ádjánit.
Ferten go geavahit digitála čovdosa dieđihit rievdadusaid?
Dieđihit rievdadusaid digitála čovdosa bokte manná jođánit, lea álki ja sihkar. Don sáhtát maiddái dieđihit rievdadusaid manuálalaččat Stáhtahálddašeaddjái. Dan dihte go dieđuin leat persovdnadieđut, de mii sávvat ahte geavahat sihkkaris dieđáhusa.
Don sáhtát maiddái sáddet dábálaš poasta.