Boazodoallodieđáhus

Dát olbmot galget leat mielde boazodoallodieđáhusas

• siidaoasi jođiheaddji(t). Jus siidaoasis leat guokte ovddasvástideaddji jođiheaddji (oktasaš siidaoassi), dat mielddisbuktá ahte leat goappašat jođiheaddjin buot vuoigatvuođat ja geatnegasvuođat.
• guoibmi gii ii leat siidaoasi ovddasvástideaddji jođiheaddji
• ovddasvástideaddji jođiheaddji vuolleahkásaš mánát, beroškeahttá leaš go sis mearka
• ovddasvástideaddji jođiheaddji válddálaš mánát geain eai leat bohccot, sáhttet maiddái čuož ut dieđáhusas
• olbmot geain lea mearka, ja geat boazodoallolága § 10 nuppi lađđasa olis leat oassin siidaoasis

Boazoeaiggádat galget álo leat registrerejuvvon iežaset bohccuiguin siidaoasis

• namain ja riegádus-/personnummariin
• seamma olmmoš ii galgga čállojuvvot eanet go ovtta dieđáhussii (sáhttá spiehkastit das jus náitala doaibmajagi áigge)
• vuolleahkásaš mánát, geaid váhnemat eai oro ovttas ja geain leat bohccot sihke eatni ja áhči olbmuid siidaoasis, galget čállojuvvot goappašiid siidaosiid dieđáhussii
• go sirdá olbmo oktan bohccuiguin nuppi siidaoasis nubbái, de dan galgá erenoamážit merket goappašiid siidaoasi dieđáhusain
• olbmot ja bohccot eai sáhte sihkkojuvvot siidaoasi dieđáhusas nu, ahte bohccot eai njuvvojuvvo dahje eai sirdojuvvo eará siidaoasi dieđáhussii 

• Oktasaš siidaoasis ferteba jođiheaddjit soahpat goabbá logge sisa ja sadde dieđáhusa siidaaosi ovddas. (Nubbe jođijeaddji oažžu automáhtalaččat duođastusa iežat poastakassii Altinnas. Goappášát jođiheaddjit sahttiiba logge sisa Altinn ja geahččat diedáhusa ja sutnos lea ovttasvástadus ahte dieđut leat riekta. Sáhtát rievdadit dieđáhusa gitta sisaaddin áigemeari rádjái.)
• Vuođđodieđut siidaoasi ja miellahtuid birra 
• siidaoasi eallu ovddit jagi (njukčamánu 31.b.) 
• miessešaddu ja eará boazolassáneapmi 
• njuovvanlohku ja eará geahpideapmi 
• siidaoasi eallu doaibmajagi loahpas (njukčamánu 31.b.) 
• boazolohkama boađus  
• miellahtuid boazolohku doaibmajagi loahpas (njukčamánu 31.b.) 

Mana skovvái Altinnas, deavdit digitála boazodoallodieđáhusa. Doppe galggat logget sisa. Don gávnnat eanet dieđuid sisaloggema birra Difi neahttasiidduin.      

Skovi sáhttá deavdigoahtit: njukčamánu 10.b. 

Áigemearri sáddet dieđáhusa: cuoŋománu 12.b. 

• vuođđodieđuid siidaoasi birra 
• boazologu doaibmajagis 
• mearkkašumiid boazologu divvumiidda, siidaoasi ođđa miellahtuid birra jna. 
• boazologu ja massima oktan massináššiid juohkimiin ja eará dieđut massináššiid birra 
• lohkama 
• boazolohkojuogu 
• siidda ja orohatgullevašvuođa 
• jus guimmiin lea oktasaš siidaoassi, de galgaba goappašagat vuolláičállit dieđáhusa 

Jus dus ii leat vejolašvuođa ohcat digitálalaččat, de sáhtát geavahit skovi Boazodoallodieđáhus ja sáddet dan e-poastan dahje poastan.   

Sádde dieđáhusa du boazodoalloguovllu Stáhtahálddašeaddjái. Dat dáhpáhuvvá automáhtalaččat go don sáddet dieđáhusa digitálalaččat.      

Jus leat ohcan digitálalaččat, de oaččut duođaštusa iežat poastakássas Altinnas go ohcamuš lea registrerejuvvon. Ohcamušain mat leat sáddejuvvon e-poastan dahje dábálaš poastan, lea duođašteami sádden ovttaskas stáhtahálddašeaddji rutiinnaid duohken. 

Buhtadusohcan bohccuid ovddas maid ráfáiduhtton boraspiret leat goddán LDIR-652_S

Go Stáhtahálddašeaddji lea ožžon ohcamuša, de isket sii dieđuid maid don leat sádden. Jus dárbbašit eanet dieđuid, de sáhttet bivdit daid. Stáhtahálddašeaddji sáhttá biehttalit dohkkeheames dieđáhusa mas leat boasttuvuođat dahje váilevašvuođat. 

Jahkásaš boazodoallodieđáhusas lea bajilgovva boazodolliin, boazoeaiggádiin ja boazologus. 

Stáhtahálddašeaddji čađaha almmolaš dárkkistuvvon boazolohkama siiddain, siidaosiin ja boazoservviin. Sii ovdagihtii dieđihit siidaoasi jođiheaddjái lohkama birra. Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami.  

Jus jođiheaddji ii sádde boazodoallodieđáhusa, de sáhttá Stáhtahálddašeaddji/Boazodoallostivra dahkat ráŋggáštusmearrádusa

Sáhtát hálddašanlága njuolggadusaid vuođul váidit mearrádusa ahte dieđáhus ii dohkkehuvvon. Váidda sáddejuvvo du boazodoalloguovllu Stáhtahálddašeaddjái. Eanadoallodirektoráhtta dat meannuda váiddaášši.        

Váidináigemearri: 3 vahku.