Deháleamos rievdadusat 

1. Don fertet sáddet boazodoallodieđáhusa ovdal miessemánu 31. beaivvi 

Boazodoallodieđáhusa sisasáddenáigemearri lea rievdaduvvon miessemánu 31. beaivái. Don fertet sáddet boazodoallodieđáhusa ovdal go sáhtát ohcat doarjaga. 

Ođđa áigemearri lea mearriduvvon earret eará ealáhusa máhcahemiid dihte, ja vai láhčit dili nu ahte raporterejuvvon njuovvan čájehuvvo gárvves devdojuvvon diehtun dieđáhusas.

2. Don sáhtát ieš rievdadit miellahtuid ja miellahtuid rollaid 

Ođđa čovdosis sáhtát ieš rievdadit siidaoasi miellahtuid olles jagi mielde. Don sáhtát rievdadit boazodoallojagi 2023-2024 ovddas gitta dassážii sáddet boazodoallodieđáhusa. 

Muhtun rievdadusaid ferte son geasa rievdadus guoská dohkkehit. Jus ovdamearkka dihte dieđihat ahte okta du miellahtuiguin lea sirdojuvvon eará siidaoassái doallojagis 2023-2024, de ferte nuppi siidaoasi jođiheaddji duođaštit, ovdal go goabbáge dudnos sádde boazodoallodieđáhusa. 

Siidaoasi sirdin ođđa jođiheaddjái galgá ain dieđihit sierra skoviin Stáhtahálddašeaddjái. Meannudeapmi sáhttá ádjánit. 

3. Olbmot main ii leat mearka eai sáhte čuožžut dieđáhusas 

Leat dušše olbmot geain lea dohkkehuvvon mearka geat sáhttet biddjot dieđáhussii. Muhto lea spiehkastat njuolggadusas náittosguoibmái geas ii leat mearka, muhto gii lea jođiheaddji oktasaš siidaoasis. 

Persovdnasuodjalusa dihte galgat dušše viežžat dieđuid mat leat dárbbašlaččat hálddašeapmái, ja dan dihte lea dat rievdadus dahkkon. 

4. Njuovvanlogut njuovahagas/reidejeaddjis leat juo devdojuvvon 

Boazodoallodieđáhussii leat dal njuovahaga/reidejeaddji raporterejuvvon logut juo devdojuvvon. 

Jus ovdagihtii devdojuvvon logut eai oro leame riekta, de fertet váldit oktavuođa njuovahagain/reidejeddjiin gii lea raporteren loguid. Dat lea maiddái dehálaš doarjjameannudeami ektui, geahča 8. čuoggá. 

5.  Stáhtahálddašeaddji ii galgga šat dohkkehit boazodoallodieđáhusa 

Boazodoallojagi 2023-2024 rájes lea boazodoallodieđáhus iešdieđáhus man stáhtahálddašeaddji ii galgga dohkkehit. Don oaččut duođaštusa ahte dieđáhus lea sáddejuvvon. Siidaoassejođiheaddjin dus lea ovddasvástádus ahte dieđut maid deavddát boazodoallodieđáhussii leat ollislaččat ja riekta. Jus it sádde dieđáhusa, dahje das leat čielga boasttuvuođat dahje váilevašvuođat, de sáhttá stáhtahálddašeaddji čuovvolit dieđáhusa. Boasttudieđut sáhttet earret eará dagahit ahte doarjja unniduvvo. 

6. Don it sáhte rievdadit dieđáhusa maŋŋel go leat sádden dan 

Go ođđa čoavddus rahppojuvvo miessemánu 1. beaivvi, de sáhtát deavdigoahtit dieđáhusa, ja eará háve joatkit deavdima. Muhto ovdal go válljet «Sádde», de fertet dárkkistit ahte leat deavdán loahpalaš ja rievttes loguid. 

Go leat deaddilan «Sádde», de it sáhte rievdadit dieđáhusa ja sáddet dan ođđasit. 

7. Doarjja máksojuvvo kontonummárii mii lea registrerejuvvon du riegádannummárii  

Doarjja siidaosiide ja boazoservviide máksojuvvo kontonummárii mii lea registrerejuvvon ohcci riegádannummárii Eanandoallodirektoráhta oktasašregistaris kontonummáriidda. Don sáhtát dál juo lasihit dahje rievdadit kontonummára mii lea registrerejuvvon du riegádannummárii dán registaris: 

https://info.altinn.no/skjemaoversikt/landbruksdirektoratet/registrering-av-kontonummer/ 

8.  Bohccot maid njuovahat lea njuovvan galgá njuovahat/reidejeaddji raporteret vai dahká vuođu doarjagii  

Dat rievdadus lea njuolggadusas doarjaga birra siidaosiide ja boazoservviide, ja dat láhčá dili álkibut raporteremii ja eanet kvalitehta loguide mat leat vuođđun doarjjameannudeapmái. 

Njuovahagas njuvvojuvvon bohccot bohtet leat devdojuvvon doarjjaohcamušas hattiin buot siidaoassemiellahtuid ovddas, ja logut dáhket vuođu árvvoštallat vuođđoeavttuid doarjagii, buvttadanvuitui ja miessenjuovvandoarjagii. Don sáhtát dasa lassin lasihit dietnasa priváhtanjuovvamis, reidemis jna. 

Jus ovdagihtii devdojuvvon logut eai oro leame riekta, de fertet váldit oktavuođa njuovahagain/reidejeddjiin gii loguid lea raporteren.