Mearka app:a bokte galgá leat álki gávdnat boazoeaiggádiid geaiguin leat dohkkehuvvon boazomearka. Eará app: a geavaheaddjit sáhttet leat Boazopolitiija ja Stáda luonddubearráigeahčču geat maid ožžot veahkkeneavvu mii galgá álkidahttit sin barggu meahcis.
− App:a čohkke boazomearkkaid ovta sadjái, nu ahte leat olámuttos ja ođasmáhttojuvvon, muitala fágadirektevra Liv Berit Hætta Eanandoallodirektoráhttas. Son lasiha vel ahte namma Mearka vuolgá davvi sámegielas ja čujuha boazomearkkaide.
Báhpáris mobiilii
Gávdnojit olu iešguđet ge sánit ja vuogit go galgá bohccuin beljjiid merket. Merken gullá boazosápmelaččaid árbevirrui.
Mearkkat čájehit geat bohccuid eaiggádit ja gullevašvuođa. Go galgá oažžut lobi bargat bohccuiguin sámi guovlluin de gáibiduvvo sierra mearka maid mearkalávdegoddi álggos galgá dohkkehit.
− Gávdnojit badjel golbma duhát iešguđetge boazomearkkat. Otne mii illudit álmmuhit digitála mearkaregistara mii leat hábmejuvvon fárrolaga boazoealáhusain, muitala Widar Skogan, gii lea Eanandoallodirektoráhtta boazodoaluossodaga direktevra. Son lasiha vel ahte lea leamašan dehálaš hábmet dán ovttas boazoealáhusain vai mii oažžut buktaga mii doaibmá bures meahcis boazobargguid oktavuođas.
Eanandoallodirektoráhtta bargá dál digitaliseret boazodoaluhálddašeami.
− Dát ođđa boazomearka čoavddus lea vuosttaš lávki digitaliseret boazodoaluhálddášeami.
Digitaliseren galgá addit buriid geavaheaddjivásáhusaid boazodolliide go galget gulahallat hálddašemiin, muitala Skogan.
Doaibma duoddaris
App:a lea ráhkaduvvon vai doaimmašii bures guovdo Finnmárkkuduoddara, vel doppe ge gos ii gullo mobiila.
− App:a viežžá buot daid boazomearkkaid dalle go lea neahtaoktavuohta. Dáinna lágiin sáhttá app:a geavahit báikkiin gos ii gullo mobiila. App:a lea hápmejuvvon nu ahte galgá leat vejolaš geavahit dan fáhcaiguin maid. Mearka app:a sáhttá geavahit sihke davvi- ja lullisámegillii, ja dárogillii maid.