Tildeling av tollkvotar etter søknad

Landbruksdirektoratet fordeler ein ostekvote frå EU på auksjon (3 400 tonn) og ein etter søknad (4 701 tonn).

I tillegg vert det fordelt ein ostekvote på 299 tonn frå Storbritannia etter søknad. Følgjande årlege kvote vert fordelt etter søknad:

Krav til søknad

Ostekvotane vert fordelte etter kvar søkjars del av verdien av importert ost i ein kvalifiseringsperiode. Kvalifiseringsperioden er 24 månader fram til 1. oktober før kvoteåret. For EU -kvoten må du ha importert minst 15 tonn ost i kvalifiseringsperioden for å få tildelt kvote og kvoten fordelast etter importverdi på ost frå heile verda. For kvoten frå Storbritannia må du ha importert minst 1 tonn ost i kvalifiseringsperioden for å få tildelt kvote og kvoten fordelast etter importverdi på ost frå Storbritannia. Landbruksdirektoratet fordeler ostekvotane basert på importstatistikk frå tollstyresmaktene.

Det finst tollavgiftsfrie importkvotar for jordbær (3 900 tonn), bringebær (1 700 tonn), og solbær-/kirsebærkonsentrat (340 tonn).

Krav til søknad

For å få tildelt ein kvoteandel må du ha handsama norske jordbær, bringebær, solbær eller kirsebær i førre periode frå 1. juli–30. juni, eller inngått bindande avtale om kjøp av slike bær. Vilkåret for bruken av kvoten er at vara som vert importert skal inngå som råvare i eiga tilarbeidingsverksemd.

Du kan vidareselje tollkvoteandelar til andre føretak som oppfyller vilkåra for den aktuelle kvoten. Dersom du sel ein tollkvoteandel, skal du gi Landbruksdirektoratet skriftleg melding om det.

Landbruksdirektoratet fastset tollavgiftssatsar innanfor kvotane, med verknad frå 1. januar kvart år. Tollavgiftssatsane er berekna som differansen mellom norsk pris og verdsmarknadspris. Tollgrunnlaget er basert på relevante prisar for varer av halalslakta kjøt og kosherslaktet kjøt, og samanliknbare norske prisar for éi representantvare for kvar av varegruppene.

Tabellen nedanfor viser tollavgiftssatsen for kvar av varegruppene:

Landbruksdirektoratet fordeler ein årleg tollavgiftsfri kvote for islandshestar etter søknad. Kvoten omfattar berre islandshestar frå Island:

Landbruksdirektoratet fordeler kvoteandelar fortløpande ettersom søknadene kjem inn ("førstemann til mølla"-prinsippet). Kvoten kan ikkje vidareseljast.

Kvoten er underlagt dei same føresegnene som for annan import av levande hest, mellom anna føresegner om dyrehelse- og meirverdiavgift etter regelverk gitt av Mattilsynet og Tolletaten.

Krav til søknad

Du må nytte eit eige skjema for tollkvote for islandshest når du søkjer. Du kan søkjast om import av islandshest frå 1. november året før kalenderåret kvoten er gyldig. For mindreårige (under 18 år) må verja søkje. Du må oppgi talet på hestar som du ønskjer å importere, maksimalt fem hestar per importør.

Viss søknaden vert innvilga, får du tilsendt eit importløyve som du må ha tilgjengeleg ved innførsel. Dersom du ikkje nyttar kvoten, skal du melde dette til Landbruksdirektoratet så fort som mogleg. Vi vil då kunne omfordele kvoteandelen til andre søkjarar.

Landbruksdirektoratet fordeler kvoten for import av kjøt som skal brukast på messer:

Krav til søknad

Du må oppgi formålet med importen i søknaden. Med messer siktar ein til varemesser og liknande med open inngang for alle. Kjøt som vert importert innanfor messekvoten, kan ikkje seljast, men berre verte brukt som vareprøver eller liknande.

Søknadsfristen for kvoten vert kunngjord på nettsidene våre før eit nytt kalenderår. Dersom det er kvoteandelar igjen, er det mogleg å søkje etter fristen. Vi fordeler då restkvoten fortløpande til søkjarar.