Til hovedinnhold
Denne siden eksisterer på bokmål

Søk tilskot frå Klima- og miljøprogrammet 2026

Landbruksdirektoratet lyser ut 16 millionar til nasjonalt klima- og miljøprogram (KMP). Vi ser etter prosjekt som gir nyttig kunnskap for bonden, og som raskt kan bli teken i bruk.

Klima- og miljøprogrammet skal medverka til å nå målsetjingane til landbrukspolitikken innanfor klima og miljø. Tilskotet skal medverka til praktisk retta kunnskapsutvikling som raskt skal komma til nytte for næringsutøvarane og medverka til å:

  • Redusera klima- og miljøpåverknaden frå jordbruket, gjennom god ressursbruk.
  • Auka klimatilpassinga.
  • Auka miljøbidraget i landbruket i form av naturmangfald og kulturmiljøverdiar.

Prosjekt skal medverka til kunnskapsoverføring frå forsking til praktisk jordbruk og oppdatert rådgiving.

Kven kan søkja

Alle som arbeider med kunnskapsutvikling eller kunnskapsformidling og er registrert i Einingsregisteret kan søkja om tilskot. Til dømes:

  • Utgreiings- og forskingsverksemder.
  • Fag- eller næringsorganisasjonar.
  • Andre føretak.

Kva kan det givast støtte til

Tilskot kan givast til gjennomføring av prosjekt med nasjonal interesse. Prosjekta skal medverka til praktisk retta kunnskapsutvikling gjennom utgreiingar eller informasjonstiltak.

Prosjekt kan ikkje ha ei varigheit utover tre år, men det kan givast støtte til forprosjekt og/eller oppstart av lenger varande prosjekt.

Sjå meir om kven som kan søkja og kva det kan søkjast om tilskot til i retningslinjene under punkt 2 «Verkeområde», og i søkjeportalen.

I tillegg til nasjonale prosjektmidlar som er kunngjorde her, forvaltar Statsforvaltaren midlar til regionale prosjekt med eigne søknadsfristar. Les meir om KMP generelt her.

Søknadsfrist

15. september 2025

Søk om middel til nasjonale klima- og miljøtiltak (KMP) her.

Føringar i jordbruksoppgjeret

Jordbruksoppgjøret 2025, Prop. 149 S (2024–2025), gir overordna føringar for programmet. For 2026 er det følgjande hovudprioriteringar:

  • Prosjekt som bidreg til å styrkja kunnskapsgrunnlaget knytt til klimautfordringane i jordbruket. Dette gjeld både klimagassutslepp og klimatilpassing.
  • Prosjekt som utviklar kunnskapsgrunnlaget for oppfølging av vassforskrifta, m.a. for betre målretting av tiltaksgjennomføringa.
  • Prosjekt som undersøkjer og  fremhevar økologisk jordbruk sin spydspissfunksjonog prosjekt som undersøkjer klimaeffekten av økologisk jordbruk. 

Prioritering av søknader

Det er stor grad av samanheng mellom miljøtemaa. Jord er eit viktig bindeledd mellom fleire tema. Tiltak som til dømes forbetrar jordstrukturen er gunstige for både jordhelse, klimagassar, klimatilpassing og reduserer avrenning. Naturbaserte løysingar, auka biologisk mangfald og reduksjon av framande artar kan på same måte vera relevante for fleire miljøtema. Det er positivt om prosjekta ser ulike utfordringar og løysingar i samanheng. Prosjekt av høg kvalitet som identifiserer og tettar aktuelle kunnskapshol, også utover det som blir skissert under kvart tema, er relevante og kan prioriterast på tvers av kategoriane.

Kunnskapsutvikling innan komplekse problemstillingar krev ofte eit tverrfagleg samarbeid mellom mange aktørar der bonden er den mest sentrale. Dei beste resultata får me ofte når det er tett og god dialog mellom bonden, fagmiljø og forvaltning om miljøfaglege råd, landbruksfaglege problemstillingar og kva som  praktisk lar seg gjennomføre.

På nettsida vår for Prosjekter og resultat finn du oversikt over prosjekt som har fått støtte i perioden 2020 – 2025 (vel «Nasjonale klima- og miljøtiltak (KMP)» i feltet «Alle ordningar»).

Under er det gitt aktuelle problemstillingar innanfor seks ulike miljøtema, som speglar miljøtema i Nasjonalt miljøprogram for jordbruket 2023–2026.

Viktige datoer

15

sep

Søknadsfrist:

15. september

Fant du det du lette etter?