Middel til forsking og utvikling innan skogbruk (Under avvikling)

Du kan søkje midlar til

• prosjekt som bidreg til vidareutvikling og styrking av skogbruket som ei rasjonell, økonomisk og berekraftig næring
• FoU-verksemd med høg nytteverdi i praktisk bruk
• prosjekt som bidreg til utvikling av nye eller forbetra driftstekniske løysingar i det utøvande skogbruket
• prosjekt som bidreg til berekraftig bruk av skogareala
• prosjekt som tek sikte på å sikre skogbruket kvalifisert arbeidskraft, inkludert å sikre HMS, mangfald og likestilling
• prosjekt som bidreg til lønsemd og kvalitetssikring i næringa
• prosjekt som fremjar informasjon, rådgjeving og kompetanseoppbygging

• Gjødsling for raskare etablering av gran- og furuplanter.
• Utvikling av nye metodar for aldersuavhengig bonitering.
• Utvikling av nasjonalt digitalt kart for skogbrannrisiko.

Prosjekt som har fått midlar, har vart i 1–3 år og fått inntil 700 000 kroner.

• Alle som ønskjer å søkje, må først sende ei skisse.
• Blir skissa prioritert, blir du invitert til å sende ein søknad. 
• Prosjektet skal ha ei klar problemstilling og eit klart mål.
• Prosjektet skal vere tydeleg forankra i skognæringa.
• Skognæringa må vere aktiv deltakar i prosjektet.
• Prosjekt med høg nytte for næringa blir prioriterte.
• Prosjektet bør vere innanfor verdikjeda frå frø til industritomt.
• Fondet kan i avgrensa omfang gje stipend til studium i utlandet.
• Tilskotet skal normalt ikkje overstige halvparten av totalkostnadene i kostnadene.
• Det blir forventa aktiv resultatformidling frå prosjektet.

Utviklingsfondet for skogbruket.

For å søkje må du først sende ei skisse. Dersom skissa blir vald ut til vidare vurdering, kan du sende fullstendig søknad.

Skissa skal vere eit samandrag på om lag 2 A4-sider og innehalde

• kven som søkjer
• hovudmål, delmål og kort skildring av oppgåvene/tiltaka i prosjektet
• kvifor oppgåvene/tiltaka skal gjerast, og kva de ønskjer å oppnå
• kva som er gjort på området tidlegare, og forhold til eksisterande kunnskap
• kven som skal utføre arbeidet, og kvifor dei er valde
• andre samarbeidspartnarar
• risikoelement i prosjektet og kva som er kritiske faktorar
• framdriftsplan med sluttdato
• budsjett/kostnadsplan med oversikt over kva dei ulike delane i prosjektet kostar
• finansieringsplan inkludert eigeninnsats, timeprisar og talet på timar
• plan for resultatformidling

Send skissa til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 56, 7701 Steinkjer.

Du får stadfesting på at skissa er motteken, og svar på skissebehandlinga på e-post eller som brev i posten.

Det finst ikkje eit eige søknadsskjema for å søkje midlar til forsking og utvikling innan skogbruk. For å søkje må du skrive eit søknadsbrev i fritekst.

Den fullstendige søknaden skal vere meir utfyllande enn skissa og innehalde  

• kven som søkjer
• hovudmål, delmål og kort skildring av oppgåvene/tiltaka i prosjektet
• kvifor oppgåvene/tiltaka skal gjerast, og kva de ønskjer å oppnå
• kva som er gjort på området tidlegare, og forhold til eksisterande kunnskap
• kven som skal utføre arbeidet, og kvifor dei er valde
• andre samarbeidspartnarar
• risikoelement i prosjektet og kva som er kritiske faktorar
• framdriftsplan med sluttdato
• budsjett/kostnadsplan med oversikt over kva dei ulike delane i prosjektet kostar
• finansieringsplan inkludert eigeninnsats, timeprisar og talet på timar
• plan for resultatformidling

Send søknaden med vedlegg til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 56, 7701 Steinkjer.

Når Landbruksdirektoratet har fått søknaden, får du stadfesting på e-post eller som brev i posten. 

Når Landbruksdirektoratet har fått den fullstendige søknaden, sjekkar vi om alle nødvendige moment er med. Dersom søknaden inneheld manglar, kan han bli avvist.     

Landbruksdirektoratet førebur ei styrebehandling. Styret for Utviklingsfondet for skogbruket gjer endeleg vedtak.

Styret for Utviklingsfondet prioriterer prosjekt som

• bidreg til vidareutvikling og styrking av skogbruket som ei rasjonell økonomisk og berekraftig næring
• bidreg til utvikling av nye eller forbetra driftstekniske løysingar i det utøvande skogbruket
• bidreg til berekraftig bruk av skogareala
• tek sikte på å sikre skogbruket kvalifisert arbeidskraft, inkludert å sikre HMS, mangfald og likestilling
• bidreg til lønsemd og kvalitetssikring i næringa
• fremjar informasjon, rådgjeving og kompetanseoppbygging 
• omfattar FoU-verksemd med høg nytteverdi i praktisk bruk

Du får svar på søknaden i e-post eller i brev i posten. I tillegg annonserer Landbruksdirektoratet kven som har fått tilskot, på nettsidene.

Du kan klage på vedtaket. Send klaga til Landbruksdirektoratet. Landbruks- og matdepartementet vil behandle klagesaka dersom ikkje Landbruksdirektoratet gjer om vedtaket.   

Klagefrist: 3 veker.

Omtrentleg tid for klagebehandling: 3 veker.

Dersom du får tilskot, kan du be om inntil to utbetalingar i året, basert på medgåtte utgifter. Er det spesielle finansielle behov, kan du søkje om førehandsutbetaling.

Inntil 75 prosent av tilskotet kan utbetalast undervegs i prosjektperioden. Dei resterande 25 prosentane blir haldne tilbake til sluttrapport og sluttrekneskap er godkjent av Landbruksdirektoratet og dei planlagde aktivitetane er gjennomførte.

Det er Landbruksdirektoratet som utbetalar pengane.

For å få delutbetaling må du sende ei utbetalingsoppmoding, med prosjektrekneskap som gjev ei oversikt og skildring av dei forbrukte utgiftene.

Mal for oppmoding om delutbetaling for midlar til forsking og utvikling innan skogbruk

Send oppmodinga på e-post til postmottak@landbruksdirektoratet.no eller til Landbruksdirektoratet, Postboks 56, 7701 Steinkjer. Hugs å merkje oppmodinga med prosjektnamn og referansenummer, og skriv organisasjons- og bankkontonummer.

Når prosjektet er gjennomført, skal du levere ein sluttrekneskap som viser kostnadene til prosjektet. Sluttrekneskapen skal utan vidare kunne samanliknast med dei kostnadskalkylane og den finansieringsplanen som låg til grunn for søknaden.

Det skal når som helst vere mogleg å kontrollere at midlane er brukte etter føresetnadene, slik at dette kan kontrollerast av Landbruksdirektoratet eller Riksrevisjonen.

Dersom det er gjort feil i utbetalingar, er gjort regelbrot eller du har gjeve feil opplysningar, kan Landbruksdirektoratet krevje tilbakebetaling og/eller avkorte tilskotet.   

Tilskotet kan bli trekt tilbake eller redusert dersom prosjektet blir avbrote eller ikkje gjennomført etter planen. Tilsvarande kan tilskot som allereie er utbetalte, bli kravde tilbake fondet.

Dersom totalkostnadene for prosjektet blir lågare enn budsjettert i prosjektsøknaden, kan den tildelte tilskotsramma bli redusert tilsvarande som den prosentvise nedgangen i totalkostnaden.