Føretak med eggproduksjon i fylka Vestland, Møre og Romsdal, Nordland og Troms og Finnmark kan søke om distriktstilskot for mengda egg som er selt til andre enn registrerte eggpakkeri. Dette blir gjort ved å rapportere direktesal innan rapporteringsfristen.

Føretak med eggproduksjon har plikt til å betale omsetningsavgift og forskingsavgift for mengda egg som er selt til andre enn registrerte eggpakkeri. Det er difor rapporteringsplikt for direktesalet. Omsetningsavgifta går inn i fondet for omsetningsavgift, og finansierer marknadsregulering, faglege tiltak og opplysningsarbeid. Forskingsavgifta går inn i fondet for forskingsavgift på landbruksprodukt, og blir brukt til forsking på landbruksprodukt som blir nytta til produksjon av næringsmiddel, eller som næringsmiddel.