Det skal betalast forskingsavgift på norskproduserte vegetabil og honning som blir brukt til yrkesmessig bearbeiding eller produksjon av nærings- og nytelsesmiddel. Med yrkessmessig bearbeiding meiner ein forretningsverksemd som omfattar alt frå lagring, klassifisering, sortering, oppdeling og pakking av ubehandla produkt til framstilling av halvfabrikata, konserver og ferdigretter. Føretak som driv slik verksemd og kjøper vegetabil eller honning frå produsentar skal rapportere innkjøpskostnader som grunnlag for berekning av forskingsavgift.

Omsetningsavgifta som finansierer markedsreguleringen av hagebruksprodukt blir kollektivt dekt over jordbruksavtalen.

Produsentar av frukt, bær, veksthusgrønnsaker og salat kan få distriktstilskot. Dette gjeld òg matpoteter dyrka i Nord-Noreg. Føretak søkjer tilskotet i samband med søknaden om produksjonstilskot. Meir informasjon om dette finn du i rettleiaren: Søkeveiledning for produksjonstilskudd og avløsertilskudd, under "Frukt, bær, grønt og potet".