Samarbeid med mange aktørar

Satsingen er eit samarbeid med mange aktørar der bonden, grunneigarar og drivarar er dei sentrale drivkreftene for varetaking av verdiar i områda.

Grunneigar, drivarar og andre lokale aktørar  

Motiverte bønder og grunneigarar har ansvar for, og utfører dei konkrete tiltaka. Aktiv jordbruksdrift er nødvendig for å vareta verdifulle kulturlandskapsverdiar.

Kommunalt nivå

Det er kommunen som prioriterer søknadene, innvilgar og utbetaler tilskot. Det er kommunen som skal prioritera dei tiltaka som er best eigna i området innanfor dei rammene som kjem fram av forskrifta. Planar for området skal beskriva verdiar i området, utfordringar, og prioritering av tiltak.

Kommunen har hovudansvar for å rettleia (jf forvaltningsloven § 11), førebu saker og gjera enkeltvedtak. Forvaltning av midlane skjer i samsvar med forskrift, med opning for lokal tilpassing av tilskotssatsar og prioritering av tiltak.

Kommunen skal kontrollera tilskotsordninga, rapportera og levera budsjettinnspel til statsforvaltaren.

Kommunen held kontakt med grunneigarar, lag og foreiningar og vurderer spørsmål om tiltak i forhold til kommunale arealplanar, verneplanar og anna. Midlane skal sjåast i samanheng med andre middel frå landbruks- og miljøforvaltninga.

Regionalt nivå

Statsforvaltarens landbruksforvaltning er koordinator på regionalt nivå. 

Regional landbruks- , natur og kulturmiljøforvaltning skal rettleia kommunane og dei har ei viktig rolle i å bidra til tverrfagleg kompetanse. Statsforvaltaren har styringsdialog med kommunane.

Regional forvaltning er eit viktig bindeledd mellom Landbruksdirektoratet og kommunane. Regionalt nivå koordinera budsjettinnspel og rapportering til

Landbruksdirektoratet Statsforvalteren er klageinstans og skal føra kontroll med tilskotsordninga.

Nasjonalt nivå

Noreg har ei internasjonal forplikting til å ta vare på verdiane i verdsarvområda. Det er Klima- og miljødepartementet som koordinerer det nasjonale verdsarvarbeidet. Riksantikvaren og Miljødirektoratet har ansvar for fagleg oppfølging av konvensjonen: Riksantikvaren for kulturarven og Miljødirektoratet for naturarven. Jordbrukssektoren har eit eige sektoransvar for å vareta miljøomsyn og har ulike verkemiddel som skal redusera miljøbelastningar og fremja miljøgode.

Landbruksdirektoratet har koordineringsansvar for midlane over jordbruksavtalen til verdsarvområda.

Det er kommunen som er vedtaksstyresmakt for tilskot til tiltak i verdsarvområda

Midlane skal sjåast i samanheng med verkemidla til jordbruks- og miljøforvaltninga.