IGC-konferansen diskuterte i år rolla for handelen i det globale matsystemet og tiltak, politikk og initiativ som kan styrkja rolla for handelen i mattryggleiken.
Det vart teke opp to hovudtema om korleis global handel kan bidra til å løysa utfordringane i det globale matsystemet: digitalisering av kornverdikjeda og dessutan samanhengen mellom produktivitet og berekraft.
Marknadssituasjon og prognosar for dei viktigaste avlingane vart også gjennomgått.
Kveite
Russland har hatt vêrutfordringar denne våren, og det er uvisse om storleiken på kveiteavlinga deira neste sesong. Som den største kveiteeksportøren i verda har Russland stor innverknad på den globale marknaden, og kveiteprisane har stige noko dei siste månadene som følgje av denne uvissa.
Verdsproduksjonen av kveite blir anslått å auka med éin prosent, samanlikna med førre sesong, til 795 millionar tonn i 2024/25. Forbruket blir estimert til 801 millionar tonn, som er noko lågare enn førre sesong. Likevel blir det anslått ein framleis nedgang i lagerbehaldning, og behaldninga til dei største eksportørane er forventa å vera den lågaste på 12 år ved sesongslutt.
.jpg)
Soya
Den globale soyaproduksjonen er forventa å bli 414 millionar tonn i 2024/25. Det er venta auka produksjon i både USA, Brasil og Argentina. Ein auke i etterspurnaden etter soyaprodukt er forventa å støtta opp under rekordhøg foredling. Lagerbehaldningane er forventa å auka ytterlegare. Handelen blir anslått å auka to prosent samanlikna med førre sesong, til eit nytt toppnivå. For andre oljefrøvekstar er det forventa lita endring i produksjonen samanlikna med førre sesong.
Ris
Verdensproduksjonen av ris blir anslått å nå ein historisk topp i 2024/25 (+2 %). Forbruket er forventa å auka på grunn av befolkningsvekst. Lagerbehaldningane kan likevel auka som følgje av lageroppbygning i India. Handelen er forventa å auka svakt i 2025
Belgfrukter
Med svakare etterspurnad etter linser og hestebønner, ser IGC for seg at den globale handelen med belgfrukter i 2024 vil falla med fem prosent samanlikna med året før, til 21,2 millionar tonn.
Handelspolitikk
Dei siste handelspolitiske utviklingane vart diskuterte, med ekstra merksemd retta mot den mellombelse fjerninga av tollsatsar på import av ris i Brasil fram til utgangen av 2024, som er eit forsøk på å dempa konsekvensane av dei siste tunge regnvêrsperiodane og flaumane i Sør-Brasil. Vidare vart medlemmene også orientert om nylege endringar i importpolitikken for belgfrukter i India.
IGCs arbeidsprogram
Medlemmene gjekk gjennom arbeidsprogrammet for 2023/24. Marknadene for korn, oljefrø, ris og belgfrukter står overfor fleire utfordringar, særleg knytt til geopolitikk og vêrforhold. I tillegg understrekar mangelen på data og informasjon om politikk i nokre land behovet for at sekretariatet vidareutviklar sine overvakings- og analyseaktivitetar, for å sikra at medlemmene har tilgang til det mest oppdaterte biletet som støtte for politiske avgjerder. IGCs kjernepublikasjonar omfattar Daily Monitor, den vekefaste Grain Market Indicators (GMI), den månadlege Grain Market *Report (GMR) og, meir nyleg (februar 2024), IGCs Grains and Oilseeds Maritime Shipping Dashboard.
Nye fleirårige prosjekt
For å følgja opp marknadsovervakinga, vart Rådet samde om nye fleirårige prosjekt som ein del av arbeidsprogrammet for 2024/25.
Dei viktigaste prosjekta som vart vedtekne av IGC, er:
- Kartlegging av hamnesamband og overvaking av hamnekapasitet.
- Openheit i rismarkedet: Sekretariatet vil sjå på måtar å auka openheita i verdas rismarkeder.
- Marknadssvingingar. Basert på eksisterande berekningar av historisk *volatilitet, vil det bli utført arbeid for å utvikla breiare mål på daglege prissvingingar i marknader.
- Handel og mattryggleik. Det er blir analysar foreslåtte for å vurdera betydninga av handel for å oppnå eit robust globalt matsystem i importavhengige nasjonar. Sekretariatet vil sjå på moglegheitene for å utvikla ein serie handelsindikatorar.
Det vart vedteke på årsmøtet at Noreg får ein plass i den administrative komiteen i IGC. Komiteen hansamar budsjett, rekneskap og årsplanar.
