Den totale tildelinga for RUF i 2025 er på 73,6 millionar kroner, der 58,75 millionar kroner er øyremerkte midlar fastsett av avtalepartane, det vil seie staten ved LMD og NRL. RUF-styret har dermed 14,85 millionar kroner til disposisjon i 2025. Desse midlane vart fordelte for 2025, med dei viktigaste prioriteringane innan reindriftsanlegg og forsking og kunnskapsformidling
Budsjett for 2025
Dei største postane i Rufs vedtekne budsjett er:
- Tilskot til reindriftsanlegg: 8 millionar kroner.
- Forsking og kunnskapsformidling: 3 millionar kroner.
- Juridisk bistand: 0,6 millionar kroner.
- Tilskot ved omfattande tap av rein i ulykke: 1 million kroner.
- Diverse utviklingstiltak: 0,4 millionar kroner.
Ein buffer på 0,88 millionar kroner er også sett av for å dekkje eventuelle behov som oppstår i løpet av året.
I tillegg er det sett av midlar til mindre ordningar som kursutgifter, feltbarnehagar, fjerning av gammalt gjerdemateriell og kvinneretta tiltak.
.jpg)
Søknadsbehandling inneverande år
RUF-styret har i 2024 gjennomført sju møte, dei fleste som videokonferansar. Styret har behandla totalt 91 saker i løpet av 2024. Det siste møtet i år vart fem søknader om tilskot til reindriftsanlegg behandla. Éin søknad vart innvilga, éin vart utsett og tre fekk avslag på grunn av manglande dokumentasjon. RUF har i 2024 også tildelt midlar til ei rekkje mindre tiltak. Dette inkluderer kursutgifter, kvinneretta tiltak, transport, feltbarnehagar og tilrettelegging for reindriftsutøvarar med nedsett funksjonsevne.
Møteplan 2025
Det vart vedteke å gjennomføre seks styremøte i RUF i 2025 på følgjande datoar:
- 13 februar
- 27 mars
- 5 juni
- 4 september
- 23 oktober
- 27 november