Jordleigeprisar

Tabellen under viser indeksert utvikling i jordleigeprisane frå 2024 til 2025. Indeksen er rekna ut med utgangspunkt i middelverdiane for god jord, og basisåret er 2000 (2000=100). Landbruksdirektoratet sine årlege undersøkingar viser altså at det er potetjord som har stige mest i pris, relativt sett, sidan år 2000.

Se tallgrunnlag for tabellen og tidligere år

Figuren under viser indeksert prisutvikling frå 2014 til 2025.

Normalt er det større endringar i gjennomsnittsprisane regionvis enn på landsbasis. Særleg for andre produksjonar enn korn og gras kan det være få kommunepriser som inngår i den regionale snittprisen. Regionprisen er difor sårbar for endringar frå år til år.

Prisane er oppgitt i kroner per dekar.

Prisen for jord til grasdyrking held seg omtrent stabil i årets undersøking. Gjennomsnittsprisen ligg på same nivå som han har gjort sidan 2017, med unnatak av ein relativt høg pris i 2020 som truleg hadde samanheng med datagrunnlaget det året.

Figuren under viser regionale gjennomsnittsprisar på leige av jord til grasproduksjon frå 2021 til 2025.

Tallgrunnlag og historiske tall

På Vestlandet har gjennomsnittsprisen sokke med 22 kroner per dekar det siste året. Prisene har sokke vesentleg i nokre kommunar i fylket, og elles er dei stabile. Elles er det berre mindre endringar i tala.

Det er stor geografisk variasjon i etterspurnad etter grasareal. I enkelte kommunar kostar det over 700 kroner per daa å leige jord på gode areal, medan slike areal vert leigd ut utan vederlag andre stader. Mange stader er det god nok betaling i seg sjølv at jorda vert heldt i hevd, eller ein betalar med andre tenester som drenering/grøfting, gjerdehald, brøyting, kjøt eller ved.

Prisane er oppgitt i kroner per dekar.

Gjennomsnittsprisane på god jord til korndyrking har auka i dei fleste regionane, medan prisane for dårleg jord har sokke i alle regionane utanom Vestfold, Telemark og Agder.

Figuren under viser regionale gjennomsnittsprisar på leige av jord til kornproduksjon frå 2021 til 2025.

Tallgrunnlag og historiske tall

I regionen Vestfold, Telemark og Agder er gjennomsnittsprisen ganske stabil. I Rogaland var det ei stor prisauke i 2022, som truleg hadde samanheng med datagrunnlaget. Det stabile prisnivået ein ser i undersøkingane dei siste åra er truleg meir presist, sjølv om datagrunnlaget her berre består av ei handfull kommunar. I regionen Vestlandet er det berre åtte kommunar i Møre og Romsdal som har rapportert leigeprisar på kornjord.

På landsbasis har gjennomsnittsprisen for jord til grønsak- og bærdyrking falle svakt i fleire år etter eit toppunkt i 2019. I 2025 gjekk prisen opp 2,6 prosent frå fjoråret.  

På regionalt nivå er det enkelte vesentlege endringar. Generelt er variasjonen frå år til år i dei regionale snittprisane på grønsaksjord større enn på gras og korn, fordi det er færre kommunar som rapporterer prisar. Resultata for Austlandet varierer kraftig, og snittprisen har gått opp. I Trøndelag og Nord-Noreg er derimot gjennomsnittsprisen lågare i år enn i fjor.

Figuren under viser regionale gjennomsnittsprisar på leige av jord til grønsak- og bærproduksjon frå 2021 til 2025.

Tallgrunnlag og historiske tall

Gjennomsnittsprisen nasjonalt har auka med 36 kroner per dekar, men det er variasjonar mellom regionane. Variasjonar i utvalet frå 2024 til 2025 kan ha påverka prisauken.

Gjennomsnittsprisen har auka i fire av seks regionar. Auka er størst i Rogaland, der prisen er 173 kroner per dekar høgare i 2025 enn i 2024. Prisen er lågare enn i 2024 på Vestlandet og i Nord-Noreg, men dette skuldast i stor grad endringar i utvalet.

Figuren under viser regionale gjennomsnittsprisar på leige av jord til potetproduksjon frå 2021 til 2025.

Tallgrunnlag og historiske tall

Tabellen under viser gjennomsnittsprisar på leige av jord til innmarksbeite og utmarksbeite i kroner per dekar i 2025, fordelt på geografiske område.

Gjennomsnittsprisen for innmarksbeite er 1 krone per dekar høgare i 2025 enn i 2024. Det er store regionale forskjellar i prisutviklinga. Medan prisen har auka i fleire regionar, har han auka i Vestfold, Telemark og Agder. Dette skuldast delvis endringar i datagrunnlaget.

Gjennomsnittsprisen på utmarksbeite er 4 kroner per dekar høgare i 2025 enn i 2024. Det vanlegaste er at areala vert leigd ut vederlagsfritt, nokon stader mot andre gjenytingar, til dømes gjerdehald. I Rogaland er gjennomsnittsprisen 29 kroner per dekar høgare enn i fjor, men dette har å gjere med korrigerte prisar.

Figuren under viser regionale gjennomsnittsprisar på leige av jord til innmarksbeite frå 2021 til 2025.

Tallgrunnlag og historiske tall