Pilotprosjektet for etablering av eit nasjonalt kompetansesenter for sider og most har hatt som mål å styrkje kompetanse, kvalitet og samarbeid i norsk sider- og mostnæring. Gjennom prosjektet er det etablert rådgjevingsteneste, analysetilbod og sensorisk panel, i tillegg til fagseminar og studietur til Frankrike. Over 25 bedrifter frå heile landet har nytta seg av rådgjevingstenesta, og evalueringar viser høg tilfredsheit og ønskje om vidareføring. Prosjektet har bidrege til auka kunnskap om produksjon, kvalitetssikring og produktutvikling, og lagt grunnlag for eit nasjonalt kompetansenettverk. Resultata viser at måla er nådd, og det er etablert eit solid fundament for vidare arbeid og varig drift av kompetansesenteret.
