Økologisk landbruk

Om du ønskjer å leggja om frå konvensjonell til økologisk produksjon, må produksjonen tilfredsstilla ekstra krav til miljø og dyrevelferd. Krava er beskrivne i Økologiforskriften og inkluderer mellom anna: 

• Vekstskifte og gjødsling for planteproduksjon 
• bruk av godkjent økologisk formeiringsmateriale 
• tilhøyrande økologisk areal for økologisk husdyrhald 
• godkjenning og identifikasjon av animalske produkt 
• bruk av fôrvarer 
• førebygging av sjukdom 
• dyretal og husdyrrom 
• tilgang til lufta og beiteareal

For biologisk-dynamisk landbruk finst eigne tilleggsreglar. Økologiregelverket gjeld i tillegg til andre regelverk til dømes knytt til hygiene, helse og dyrevelferd.

For meir informasjon om regelverket for økologisk produksjon, sjå

• rettleiar med utfyllande informasjon om regelverk for økologisk produksjon frå Matttilsynet
• rettleiing og regelverk for økologisk produksjon frå Debio

Økologisk førsteråd 

Norsk landbruksrådgiving (NLR) tilbyr rådgiving i økologisk produksjon over heile landet. Rådgiving kan du få før, under og etter omlegging til økologisk produksjon. NLR er bindeleddet mellom forsking og landbruket, og formidlar kompetanse til næringsutøvarar i landbruket. På nettsidene deira kan du lesa meir om rådgiving knytt til økologisk produksjon og bestille eit uforpliktande gardsbesøk. 

Begrepet «økologisk» innan landbruket er verna.  For å produsera økologiske og biologisk-dynamiske landbruksprodukt må du søkja sertifisering og få godkjenning fra Debio, som er delegert den utøvande kontrollen av Mattilsynet. Debio forvaltar, regulerer og kontrollerer økologisk produksjon og regelverk, og gjennomfører årleg kontroll av produsentar som er godkjende. 

Debio sitt Ø-merke er det norske godkjenningsmerket for økologisk produksjon. 

Den som driv økologisk produksjon av landbruksråvarer, kan søkja om følgjande gjennom søknad om produksjonstilskot:

• tilskot til økologisk husdyrproduksjon, 
• arealtilskot til økologisk jordbruk
• pristilskot for økologisk frukt, bær, grønsaker (inkl. urter) og poteter

Desse økologiske tilskota er tilskot som økologiske produsentar kan få i tillegg til dei andre produksjonstilskota.  
Ved behov for investeringar for å kunna driva økologisk i tråd med regelverket, er det mogleg å søkja Innovasjon Noreg om støtte.
Det finst også andre ordningar som ein kan søkja om tilskot til i ulike økologiske produksjonar.

Relevante ordningar

Produksjonstilskot

Innovasjon Norge – støtte til tradisjonelt landbruk 

Du kan søkja om støtte til prosjekt innanfor følgjande ordningar som Landbruksdirektoratet forvaltar på dette området:

• Middel til økologiske prosjekt: Ordninga støttar prosjekt retta mot å løysa utfordringar i verdikjeda for økologisk produksjon og forbruk.
• Nasjonale tilretteleggingsmiddel i landbruket (NT): Ordninga støttar prosjekt som kan bidra til ei positiv utvikling innan produksjon og omsetning av økologiske varer. Det kan eksempelvis vera prosjekt som gjeld næringsutvikling, mobilisering og rekruttering. Her kan også offentlege aktørar søkja om midlar.
• Middel til nasjonale klima- og miljøtiltak. Ordninga støttar prosjekt som gir kunnskapsutvikling om agronomien i økologisk jordbruk.

Regjeringa har utarbeidd ein Nasjonal strategi for økologisk jordbruk for perioden 2025 – 2032. 

Nytt mål i strategien er at 10 prosent av det totale jordbruksarealet skal vera økologisk innan 2032, samtidig som det blir stimulert til auka omsetning og etterspurnad i marknaden.

Strategien skisserer 10 tiltak som skal bidra til å nå det nye målet.

Tiltak:

1. Vektleggja overføringsverdien frå økologisk til konvensjonelt jordbruk (spydspissfunksjonen)

2. Styrke Nasjonal ressursgruppe for økologisk jordbruk og inngå ein intensjonsavtale med Landbruks- og matdepartementet

3. 4. og 5. Tiltaksplanar for auka produksjon og omsetning av økologisk mjølk, økologisk korn og økologisk frukt, bær og grønt

6. Auka omsetninga av økologisk mat og drikke i offentleg sektor og storhushald

7. Auka talet på produsentar som driv økologisk

8. Auka forståinga for økologisk mat og drikke blant forbrukarar

9. Tydelegare kopling mellom lokalmat og økologisk mat

10. Forbetre statistikken over omsetning av økologisk mat og drikke