Boazodoallošiehtadusa njuolggadusat

§ 1. Ulbmil

Doarjja bohccogorudiid fievrredeapmái galgá veahkehit dásset bohccobierggu hatti iešguđet orohagaid ja boazoservviid boazoeaiggádiidda, ja veahkehit oččodit beaktilis njuovvamiid ja bohccobiergojođu. Doarjja galgá maiddái veahkehit lasihit njuovvanhivvodaga ovdal johttáma čakča- ja dálveguohtumiidda.

0 Rievdaduvvon njuolggadusaid bokte miessemánu 30. b. 2013 nr. 623 (fápmui boahtán suoidnemánu 1. b. 2013), geassemánu 22. b. 2021 nr. 2269 (fápmui boahtán suoidnemánu 1. b. 2021).

§ 2. Eavttut

Fievrredandoarjja gaskkal borgemánu 15. beaivvi juovlamánu 31. beaivvi sáhttá addojuvvot sutnje gii vuosttaš geardde oastá álgoávdnasa boazodoallis. Doarjja sáhttá maiddái addojuvvot gorudiid fievrredeapmái gaskkal borgemánu 15. beaivvi ja juovlamánu 31. beaivvi sutnje gii vuosttaš geardde oastá álgoávdnasa boazodoallis. Njuolggovuovdima oktavuođas boazodoallis smávvagávpeoastái sáhttá fievrredandoarjja juolluduvvot boazoeaiggádii.   

Jus doarjja galgá juolluduvvot dán njuolggadusa mielde, de

1. boazu galgá leat fievrreduvvon unnimustá 50 kilomehtera, juogo gárddástallanbáikkis dohkkehuvvon njuovahahkii dahje dohkkehuvvon njuovahagas reidenfitnodahkii,
2. boazu galgá njuvvojuvvot dohkkehuvvon njuovahagas,
3. ferte dat guhte njuovvá bohccuid, deavdit daid raporterengáibádusaid mat gustojit njuolggadusas njuvvojuvvon bohccuid raporterema ja vuorkáhivvodaga birra,
4. fievrredeaddjis ja mohtorfievrrus mii geavahuvvo fievrredit ealli bohccuid, galget leat dárbbašlaš dohkkeheamit ortnegis, dása gullá maiddái ahte visot gáibádusat elliid ealáhusvuđot fievrredeami njuolggadusas galget devdojuvvot.
5. dieđut bohcco birra galget leat sáddejuvvon Eanandoallodirektoráhttii njuvvojuvvon bohccuid ja vuorkáhivvodaga raporterennjuolggadusaid mielde.

0 Rievdaduvvon njuolggadusaid bokte miessemánu 30. b. 2013 nr. 623 (fápmui boahtán suoidnemánu 1. b. 2013), geassemánu 6. b. 2014 nr. 734 (fápmui boahtán suoidnemánu 1. b. 2014), geassemánu 21. b. 2016 nr. 756 (fápmui boahtán suoidnemánu 1. b. 2016), geassemánu 23. b. 2017 nr. 983 (fápmui boahtán suoidnemánu 1. b. 2017), geassemánu 20 2019 nr. 850 (fápmui boahtán suoidnemánu 1. b. 2019), geassemánu 29. b. 2020 nr. 1426 (fápmui boahtán suoidnemánu 1. b. 2020), golggotmánu 4. b. 2021 nr. 2924, geassemánu 20. b. 2022 nr. 1094 (fápmui boahtán suoidnemánu 1. b. 2022), geassemánu 21. b. 2023 nr. 1013 (fápmui boahtán suoidnemánu 1. b. 2023).

§ 3. Doarjaga meroštallan

Go fievrreda ealli bohccuid ja gorudiid áigodagas borgemánu 15. beaivvi rájes juovlamánu  31. beaivvi rádjái, de lea doarjjamáksomearri 50 ruvnno guđege ealli nammii.

Doarjjamáksomearri go fievrreda gorudiid áigodagas ođđajagemánu 1. beaivvi rájes njukčamánu 31. beaivvi rádjái lea 40 ruvnno guđege ealli nammii.

Dušše okta doarjja juohke njuovvanbohcco nammii juolluduvvo.

0 Rievdaduvvon njuolggadusaid bokte b. geassemánu 19. b. 2012 nr. 597, miessemánu 30. b. 2013 nr. 623 (fápmui boahtán 2013) , geassemánu 21. b. 2016 nr. 756 (fápmui boahtán suoidnemánu 1. b. 2016), geassemánu 20. 2019 nr. 850 (fápmui boahtán suoidnemánu 1. b. 2019), geassemánu 21. b. 2023 nr. 1013 (fápmui boahtán suoidnemánu 1. b. 2023).

§ 4. Gáibádusat ohcamii

Dat gii ohcá fievrredandoarjaga galgá geavahit Eanandoallodirektoráhta mearridan
ohcanskovi ja raporteret § 4a mielde.

Áigemearri ohcat fievrredandoarjaga ja raporteret § 4a mielde lea golbma mánu maŋŋel go
fievrredandoaibma lea čađahuvvon.

0 Rievdaduvvon njuolggadusa bokte geassemánu 14. b. 2010 nr. 890 (fápmui boahtán suoidnemánu 1. b. 2010), skábmamánu 28. b. 2013 nr. 1372, geassemánu 12. b. 2014 nr. 744 (fápmui boahtán suoidnemánu 1. b. 2014), geassemánu 21. b. 2016 nr. 756 (fápmui boahtán suoidnemánu 1. b. 2016), geassemánu 20. b. 2019 nr. 850 (fápmui boahtán suoidnemánu 1. b. 2019), geassemánu 21. b. 2023 nr. 1013 (fápmui boahtán suoidnemánu 1. b. 2023).

§ 4a. Fievrredeami raporteren

Dieđut lágiduvvojit Eanandoallodirektoráhttii, dan hámis mii gáibiduvvo daid
raporterenvuogádagaid siskkobealde maid Eanandoallodirektoráhtta geavaha.

Dat gii ohcá fievrredandoarjaga galgá raporteret:

1. Njuovvannummára  
2. Viežžanbáikki
3. Buktinbáikki
4. Lea go fievrreduvvon gorudin/eallinaga  
5. Fievrredandáhton

Eanandoallodirektoráhtta sáhttá erenoamáš dilálašvuođain spiehkastit raporterengáibádusain.

0 Lasihuvvon njuolggadusa bokte geassemánu 21. b. 2023 nr. 1013 (fápmui boahtán suoidnemánu 1. b. 2023).

§ 5. Áššegieđahallan

Eanandoallodirektoráhta mearrida ohcama ja bidjá doarjaga máksojupmái.

0 Rievdaduvvon njuolggadusaid bokte skábmamánu 28. b. 2013 nr. 1372, geassemánu 12. b. 2014 nr. 774 (fápmui boahtán suoidnemánu 1. b. 2014), geassemánu 21. b. 2016 nr. 756 (fápmui boahtán suoidnemánu 1. b. 2016).

§ 6. Dieđihangeatnegasvuohta ja ruoktotmáksin

Doarjjaoažžut leat dán njuolggadusa mielde geatnegahtton addit buot dieđuid maid boazodoalloeiseválddit oidnet dárbbašlažžan doarjjaortnegiid hálddašeami olis, dahje vai boazodoallošiehtadus devdojuvvo.

Boazodoalloeiseválddit gozihit ahte doarjjamáksimat leat riekta, ja galgá beassat oaidnit buot rehketdoaluid, čálašemiid ja dieđuid mat gusket doarjagii. Doaimmaid dáfus main lea revišuvdnageatnegasvuohta, sáhttá gáibiduvvot reviderejuvvon rehketdoallu goluid hárrái.

Boazodoalloeiseválddit sáhttet čađahit báikkálaš bearráigeahču doarjjaoažžu luhtte.

0 Rievdaduvvon njuolggadusaid bokte skábmamánu 28. b. 2013 nr. 1372, geassemánu 12. b. 2014 nr. 774 (fápmui boahtán suoidnemánu 1. b. 2014), geassemánu 21. b. 2016 nr. 756 (fápmui boahtán suoidnemánu 1. b. 2016).

§ 7. Boasttomáksojumiid divvun

Boazodoalloeiseválddit sáhttet divvut boasttuvuođaid máksojuvvon doarjagiin, juogo lassimáksima bokte dahje ruoktotmáksingáibádusa bokte doarjjaoažžu bealis.

0 Rievdaduvvon njuolggadusaid bokte skábmamánu 28. b. 2013 nr. 1372, geassemánu 6. b. 2014 nr. 734 (fápmui boahtán suoidnemánu 1. b. 2014), geassemánu 21. b. 2016 nr. 756 (fápmui boahtán suoidnemánu 1. b. 2016).

§ 8. Unnideapmi je.

Jus doarjjaoažžu fuollameahttumit dahje eaktodáhtolaččat lea addán boasttu dahje váilevaš dieđuid doarjjaohcamis mii lea dahje livččii sáhttán dagahit ahte doarjja máksojuvvo eahpevuoiggalaččat, de sáhttá doarjja ollásii dahje belohahkii unniduvvot.

Jus doarjjaoažžu boazodoalloeiseválddiid mearrádusa mielde doaibmá dahje lea doaibman boazodoalloealáhusa lágaid dahje njuolggadusaid vuostá, ja lea doaibman fuollameahttumit dahje eaktodáhtolaččat, de sáhttá doarjja ollásit dahje belohahkii dollejuvvot dassážii go dilli lea njulgejuvvon. Jus rihkkuma olis lea leamaš roavva fuollameahttunvuohta dahje eaktodáhtolašvuohta, de sáhttá doarjja ollásit dahje belohahkii unniduvvot.

0 Rievdaduvvon njuolggadusa bokte geassemánu 21. b. 2016 nr. 756 (fápmui boahtán suoidnemánu 1. b. 2016).

§ 9. Ruoktotmáksin- dahje unnidanmeari sisagáibideapmi

Máksojuvvon ruđa ja doarjjavuođu erohus, mii lea mearriduvvo máksojuvvot ruovttoluotta § 7 mielde dahje unniduvvot § 8 mielde, sáhttá gáibiduvvot máksojuvvot ruovttoluotta doarjjavuostáváldis dahje dollejuvvot boahttevaš doarjjamáksimiin.

Jus doaibma/doarjjavuostáváldi ii lean várrogas buori jáhkus máksima hárrái, de sáhttet reanttut gáibiduvvot dan áiggi rájes go ruoktotmáksingáibádus lea ollen doarjjavuostáváldái. Jus lea roavva fuollameahttunvuohta dahje eaktodáhtolašvuohta, de sáhttet reanttut gáibiduvvot dan áiggi rájes go eahpevuoiggalaš doarjja lea máksojuvvon. Reantojuolgi galgá leat seamma go dat reantojuolgi maid Finánsadepartemeanta áigges áigái mearrida § 3 mielde lágas b. juovlamánu 17. b. 1976 nr. 100 reanttuid maŋŋonan máksimiid je. birra.

0 Rievdaduvvon njuolggadusaid bokte geassemánu 21. b. 2016 nr. 756 (fápmui boahtán suoidnemánu 1. b. 2016), geassemánu 26. b. 2018 nr. 1027 (fápmui boahtán suoidnemánu 1. b. 2018).

§ 10. Váidinvejolašvuohta

Eanandoallodirektoráhtta dahká doarjjamearrádusaid. Ohcamat galget gieđahallojuvvot daid njuolggadusaid mielde mat gustojedje go fievrredandoaibma čađahuvvui.

Eanandoallodirektoráhta mearrádusa dán njuolggadusa mielde sáhttá váidit Eanandoallo- ja biebmodepartemeanta hálddašanlága njuolggadusaid mielde. 

0 Lasihuvvon njuolggadusa bokte geassemánu 21. b. 2016 nr. 756 (fápmui boahtán suoidnemánu 1. b. 2016). Rievdaduvvon njuolggadusa bokte geassemánu 21. b. 2023 nr. 1013 (fápmui boahtán suoidnemánu 1. b. 2023).

§ 11. Fápmuiboahtin

Dát njuolggadus boahtá fápmui suoidnemánu 1. b. 2009. Seammás heaittihuvvo Njuolggadus bohccogorudiid fievrredandoarjaga birra, addojuvvon geassemánu 19. b. 2008 nr. 711.

0 Rievdaduvvon njuolggadusa bokte geassemánu 21. b. 2016 nr. 756 (fápmui boahtán suoidnemánu 1. b. 2016, ovdal § 9).