Njuolggadus doarjaga birra orohatplánaide
Láhkavuođđu: Eanandoallo- ja biebmodepartemeanta mearridan geassemánu 20. b. 2024 Stuoradikki jahkásaš mearrádusa boazodoallošiehtadusa olis.
§ 1 Ulbmil
Doarjja galgá doarjut ahte orohagain ja boazoservviin leat ođasmahttojuvvon orohatplánat ja boazodoalloplánat.
§ 2 Doarjaga eavttut
Orohagat ja boazosearvvit mat leat ráhkadeame orohatplánaid dahje ođasmahttime boares plánaid sáhttet oažžut doarjaga.
Orohatplána galgá ráhkaduvvot boazodoallolága § 62 mielde.
Orohatplána dahje boazodoalloplána galgá leat mearriduvvon maŋemusat jagi maŋŋel go doarjja lea juolluduvvon.
Eanandoallodirektoráhtta sáhttá erenoamáš oktavuođain spiehkastit áigemearis.
§ 3 Doarjaga mearri
Orohatplánaid dahje boazodoalloplánaid doarjjajuolludeapmi sáhttá leat gitta 40 000 ruvdnosaš.
Orohat 16 sáhttá oažžut gitta 60 000 ruvnno.
§ 4 Gáibádusat ohcamuššii
Ohcamuš galgá sáddejuvvot Eanandoallodirektoráhttii sierra skovis.
Ohccis lea ovddasvástádus ahte ohcamuš lea riekta ja dievaslaččat devdojuvvon.
§ 5 Raporteren
Doarjjavuostáiváldi galgá golmma mánu sisa maŋŋel go orohatplána dahje boazodoalloplána lea mearriduvvon sáddet raportta Eanandoallodirektoráhttii, mii sisttisdoallá čilgehusa das mo doarjja lea geavahuvvon ja mearriduvvon orohatplána dahje boazodoalloplána.
Eanandoallodirektoráhtta sáhttá erenoamáš oktavuođain spiehkastit raporterenáigemearis.
§ 6 Máksin
Eanandoallodirektoráhtta sáhttá máksit 50 proseantta doarjagis go doarjja juolluduvvo. Nubbi 50 proseantta máksojuvvo maŋŋel go Eanandoallodirektoráhtta lea dohkkehan doarjjavuostáiváldi raporterema.
§ 7 Dieđihangeatnegasvuohta
Doarjjavuostáiváldi lea dán njuolggadusa mielde geatnegahtton addit buot dieđuid maid boazodoallohálddahus dárbbaša vai sáhttá hálddašit doarjjaortnega.
§ 8 Boasttumáksimiid divvun
Boazodoalloeiseválddit sáhttet divvut boasttumáksojuvvon doarjaga, juogo dan bokte ahte maŋŋel máksit doarjaga dahje ruovttoluottamáksingáibádusain doarjjavuostáiváldái.
§ 9 Unnideapmi ja doarjaga dollen
Jus doarjjavuostáiváldi lea fuollameahttumit addan boasttu- dahje váilevaš dieđuid ohcamušas, mii lea dahje livčče sáhttán dahkat eahpevuoigaduvvon doarjjamáksámuša, de sáhttá olles dahje oassi doarjagis unniduvvot.
Jus doarjjavuostáiváldi lea fuollameahttumit dahje eaktodáhtolaččat doaimmahan boazodoalus dakkár vugiin mii rihkku boazodoalu lágaid dahje njuolggadusaid, de sáhttá olles dahje oassi doarjagis dollejuvvot dassážii doaibma fas lea lobálaš. Jus dakkár rihkkuma oktavuođas lea duođalaš eaktodáhtolašvuođas sáhka, de sáhttá olles dahje oassi doarjagis unniduvvot.
§ 10 Ruovttoluottamáksin- dahje unnidansupmi gáibideapmi
Máksojuvvon supmi ja vuoigaduvvon supmi differánsa sáhttá ruovttoluottamáksinmearrádusa § 8 dahje unnidanmearrádusa § 9 mielde gáibiduvvot ruovttoluotta máksojuvvot dahje gessojuvvot boahttevaš doarjjamáksámušain.
Boazodoalloeiseválddiid gáibádusat sáhttet gessojuvvot doarjjavuostáiváldi doarjjamáksámušain.
Jus doarjjavuostáiváldi ii lean várrogas buori jáhkus máksima birra, de sáhttet reanttut gáibiduvvon dan rájes go ruovttoluottamáksingáibádus bođii doarjjavuostáiváldái. Jus lea duođalaš eaktodáhtolašvuođas dahje rihkkumis sáhka, de sáhttet reanttut gáibiduvvot dan rájes go doarjja mii ii lean vuoigaduvvon máksojuvvui.
Reantojuolgi galgá biddjot nu go reantojuolgi lea mearriduvvon Finánsadepartemeanttas § 3 mielde, lágas mearriduvvon juovlamánu 17. b. 1976 nr. 100 reanttuid birra maŋŋonan máksima oktavuođas je.
§ 11 Váidin
Áššemearrádusa dan njuolggadusa mielde sáhttá váidit Eanandoallo- ja biebmodepartementii hálddašannjuolggadusaid mielde.
§ 12 Fápmuiboahtin
Njuolggadus boahtá fápmui suoidnemánu 1. beaivvi 2024.