Njuolggadus suvdima birra Davvi-Romssas ja Finnmárkkus
Láhkavuođđu: Eanandoallo- ja biebmodepartemeantta mearridan geassemánu 23. b. 2017 Stuoradikki jahkásaš mearrádusa mielde boazodoallošiehtadusa birra.
Rievdaduvvon njuolggadusa bokte geassemánu 20. b. 2019 nr. 774 (fápmui boahtán suoidnemánu 1. b. 2019), juovlamánu 21. b. 2020 nr. 3044 (fápmui boahtán ođđajagemánu 1. b. 2021), geassemánu 22. b. 2021 nr. 2239 (fápmui boahtán ođđajagimánu 1. b. 2021).
§ 1. Ulbmil
Dán njuolggadusa ulbmil lea reguleret boazosuvdinortnega geasseorohagaide ja geasseorohagain Davvi-Romssas ja Finnmárkkus.
0 Rievdaduvvon njuolggadusa bokte b. geassemánu 22. b. nr. 2239 (fápmui boahtán suoidnemánu 1. b. 2021)
§ 2. Doaibmaviidodat
Dát njuolggadus gusto dušše siidaosiide main dohkkehuvvon doaibmanjuolggadusaid mielde lea guođohanriekti Finnmárkkus ja Davvi-Romssas.
0 Rievdaduvvon njuolggadusa bokte b. geassemánu 20. b. 2019 nr. 774 (fápmui boahtán suoidnemánu 1. b. 2019).
§ 3. Definišuvnnat
Suvdin dán njuolggadusas mearkkaša bohccuid fievrredeapmi heivvolaš ja almmolaččat dohkkehuvvon fievrruin geasseorohagaide ja geasseorohagain.
Suvdinplána mearkkaša vuoruhuvvon listu siidaosiid dáfus mat leat ožžon suvdinsaji, oktan áiggiin ja lástensajiin.
0 Rievdaduvvon njuolggadusa bokte b. geassemánu 20. b. 2019 nr. 774 (fápmui boahtán suoidnemánu 1. b. 2019).
§ 4. Suvdinsaji juolludeami oppalaš eavttut
Siidaoasis ferte leat duohta ja geográfalaš dárbu suvdimii, gč. njuolggadusa § 5.
Lástensajis ferte leat dárbbašlaš infrastruktuvra mii fuolaha elliid buresbirgejumi elliidčálgolága mielde. Stáhtahálddašeaddji sáhttá bidjat gáibádusaid gádderusttegii sihkkarastin dihte ulbmillaš ja sihkkaris lástema.
Siidaoasit mat leat ožžon juolluduvvot suvdinsaji leat geatnegahtton leat gergosat suvdit mearriduvvon lástenbáikkis ja suvdinplána áigemeari mielde. Jus ii boađe mearriduvvon áigái, de siidaoassi biehttaluvvo beassat suvdit. Dát ii gusto dain oktavuođain gos maŋŋoneapmi čielgasit boahtá diliin maid siidoassi ieš ii stivre.
0 Rievdaduvvon njuolggadusa bokte b. juovlamánu 21. b. 2020 nr. 3044 (fápmui boahtán ođđajagemánu 1. b. 2021).
§ 5. Vuoruheapmi boazodoallošiehtadusa ekonomalaš rámma siskkobealde
Daid ekonomalaš rámmaid siskkobealde mat leat mearriduvvon boazodoallošiehtadusas, galgá siidaosiid historjjálaš geavaheapmi ja suvdindárbu leat vuođđun suvdinplána hábmemis.
§ 6. Suvdinplána rievdadeapmi suvddidettiin
Romssa ja Finnmárkku stáhtahálddašeaddji sáhttá ovttasráđiid skiipahoavddain rievdadit suvdinplána dárbbu mielde ovdal suvdima ja suvddidettiin. Buohkat geaidda rievdadusat gusket, galget dađistaga oažžut dieđu.
0 Rievdaduvvon njuolggadusaid bokte b. geassemánu 20. b. 2019 nr. 774 (fápmui boahtán suoidnemánu 1. b. 2019), juovlamánu 21. b. 2020 nr. 3044 (fápmui boahtán ođđajagemánu 1. b. 2021).
§ 7. Ohcan ja duođašteapmi
Ovttaskas siidaoassi sádde ohcama sierra skoviin Romssa ja Finnmárkku stáhtahálddašeaddjái.
Ohcanáigi lea ođđajagemánu 15. beaivvi giđđasuvdimii ja geassemánu 15. beaivvi čakčasuvdimii.
Romssa ja Finnmárkku fylkkamánni sáhttá erenoamáš oktavuođain spiehkastit ohcanáigemeriin dán mearrádusas.
0 Rievdaduvvon njuolggadusa bokte b. geassemánu 20. b. 2019 nr. 774 (fápmui boahtán suoidnemánu 1. b. 2019), juovlamánu 21. b. 2020 nr. 3044 (fápmui boahtán ođđajagemánu 1. b. 2021), geassemánu 22. b. 2021 nr. 2239 (fápmui boahtán suoidnemánu 1. b. 2021).
§ 8. Mearrádus ja dieđiheapmi stáhtahálddašeaddjái
Romssa ja Finnmárkku stáhtahálddašeaddji dahká mearrádusaid suvdinsajiid dáfus. Stáhtahálddašeaddji mearrida maiddái čakčasuvdima ja giđđasuvdima suvdinplána.
Jus siidaoassi dattetge ii áiggo geavahit juolluduvvon suvdinsaji, de ferte siidaoassi farggamusat dieđihit dán stáhtahálddašeaddjái.
0 Rievdaduvvon njuolggadusa bokte b. geassemánu 20. b. 2019 nr. 774 (fápmui boahtán suoidnemánu 1. b. 2019), juovlamánu 21. b. 2020 nr. 3044 (fápmui boahtán ođđajagemánu 1. b. 2021), geassemánu 22. b. 2021 nr. 2239 (fápmui boahtán suoidnemánu 1. b. 2021).
§ 9. Ovddasvástádus suvddidettiin
Boazoeaiggádis lea ovddasvástádus elliide suvddidettiin, gč. elliidčálgolága oktan guoskevaš njuolggadusaiguin.
§ 10. Suvdindivat
Suvdindivat lea 30 ruvnno guđege eallis mii suvdojuvvo. Eanandoallodirektoráhta gáibida suvdindivada ovttaskas siidaoasis.
0 Rievdaduvvon njuolggadusaid bokte b. geassemánu 20. b. 2019 nr. 774 (fápmui boahtán suoidnemánu 1. b. 2019), geassemánu 22. b. 2021 nr. 2239 (fápmui boahtán suoidnemánu 1. b. 2021).
§ 11. Dieđihangeatnegasvuohta ja bearráigeahčču
Siidaoasit mat ožžot juolluduvvot suvdinsaji dán njuolggadusa mielde leat geatnegahtton addit buot dieđuid maid boazodoalloeiseválddit oidnet dárbbašlažžan vai sáhttet hálddašit ortnega.
0 Rievdaduvvon njuolggadusa bokte b. geassemánu 20. b. 2019 nr. 774 (fápmui boahtán suoidnemánu 1. b. 2019).
§ 12. Váidin
Mearrádusa dán njuolggadusa mielde sáhttá váidit Eanandoallodirektoráhtii.
§ 13. Fápmuiboahtin
Dát njuolggadus boahtá fápmui suoidnemánu 1. b. 2017.