Njuolggadus doarjaga birra bargoveahkkái siidaoassejođiheaddji buozalmasvuođa geažil
Láhkavuođđu: Eanandoallo- ja biebmodepartemeantta mearridan geassemánu 22. b. 2026 boazodoallolága geassemánu 15. b. 2007 nr. 40 § 82a vuođul ja čađahan dihte Stuoradikki jahkásaš mearrádusa boazodoallošiehtadusa olis.
§ 1. Ulbmil
Ulbmil doarjagiin lea veahkkin gokčat goluid bargoveahkkái siidaoassejođiheaddji buozalmasvuođa oktavuođas, sihkkarastin dihte elliidčálggu ja jotkkolašvuođa, ja nannet dearvvašvuođa, birrasa ja sihkarvuođa boazodoalus.
§ 2. Doarjjaeavttut
Doarjja bargoveahkkái buozalmasvuođa geažil sáhttá juolluduvvot siidaoassejođiheaddjái jus siidaoassi deavdá eavttuid njuolggadusas doarjaga birra siidaosiide ja boazoservviide §§ 3 ja 4.
Doarjja sáhttá juolluduvvot go jođiheaddji/jođiheaddjit ii/eaba sáhte searvat beaivválaš bargguide duođaštuvvon buozalmasvuođa geažil ja go leat duođaštuvvon golut bargoveahkkái dan áigodaga ovddas. Duođaštuvvon goluiguin oaivvilduvvojit duohta golut bálkái, luopmoruđaide ja bargoaddidivvagis, mii oktiivástida supmiin man lea raporteren a-ortnegis.
§ 3. Gáibádusat bargoveahki bargodillái
Bargoveahkki galgá lágiduvvot bargoaddi ja bargovuostáiváldi gaskavuođa mielde.
Bargoveahkki galgá leat unnimusat 16 jagi boaris ja veahkis ii galgga leat ealáhusdienas siidaoasis ja veahkki ii galgga leat náittos-/ássanguoibmi olbmui mas lea ealáhusdienas siidaoasis.
§ 4. Doarjaga máksomearit
Doarjja juolluduvvo beivviid ovddas go lea ožžon bargoveahki ja máksomeari vuođđun leat njuvvojuvvon bohccuid njuovvankilot mat leat raporterejuvvon n
Doarjja juolluduvvo daid beivviid ovddas go lea ožžon bargoveahki ja vuođđun máksomearrái leat njuovvankilot njuvvojuvvon bohccuid ja vuorkáhivvodaga raporterema njuolggadusa mielde. Doarjja juolluduvvo čuovvovaš máksomeriid vuođul:
|
Máksomearri |
Njuovvan (kilo) |
Doarjja juohke beaivvi ovddas (ruvnnot) |
|
1 |
500–999 |
1 200 |
|
2 |
1 000–2 499 |
1 500 |
|
3 |
2 500–4 999 |
2 000 |
|
4 |
5 000 og over |
2 700 |
§ 5. Doarjaga ráddjejumit
Doarjja sáhttá juolluduvvot bargoveahkkái vuosttaš 16 beaivvi ovddas buozalmasvuođaáigodagas.
Ovtta siidaoassejođiheaddjái ii sáhte juolluduvvot doarjja eanet go 16 beaivvi ovddas kaleanddarjagis.
Doarjja ii sáhte leat eambbo go siidaoassejođiheaddji duohta olggosgolut bargoveahkkái.
§ 6. Gáibádusat ohcamii
Doarjjaohcan ferte leat sáddejuvvon maŋemusat 12 mánu maŋŋel go lea ožžon bargoveahki.
Doarjjaohcan bargoveahki ovddas galgá sáddejuvvot sierra skoviin Eanandoallodirektoráhttii gieđahallamii. Ohcamat galget meannuduvvot ohcanáigodaga gustojeaddji njuolggadusaid mielde.
Ohcama mielddusin galgá bidjat buohccindieđiheami ja duođaštusa ahte lea máksán bálkká bargoveahkkái.
§ 7. Dieđihangeatnegasvuohta ja dárkkisteapmi
Doarjjavuostáiváldit dan njuolggadusa mielde leat geatnegahtton addit buot dieđuid maid boazodoalloeiseválddit dárbbašit hálddašan dihte doarjjaortnegiid, dahje čađahan dihte boazodoallošiehtadusa.
Boazodoalloeiseválddit bearráigehččet ahte doarjjamáksámušat leat riekta, ja boazodoalloeiseválddit oidnet buot girjedoalu, gulahallama ja čállámušaid mat gullet doarjagii. Fitnodagaid dáfus main lea revišuvdnageatnegasvuohta, sáhttá gáibiduvvot ahte revisor duođašta dieđuid.
§ 8. Boasttomáksimiid divvun
Boazodoalloeiseválddit sáhttet divvut boasttuvuođaid doarjjamáksimiin, juogo lassimáksima bokte dahje ruoktotmáksingáibádusa bokte doarjjaoažžu bealis.
§ 9. Unnideapmi je.
Jus doarjjaoažžu fuollameahttumit dahje eaktodáhtolaččat lea addán boasttudieđuid dahje váilevaš dieđuid ohcamis mat leat dahje livčče sáhttán dagahit ahte doarjja máksojuvvo eahpevuoiggalaččat, de sáhttá doarjja ollásit dahje belohahkii unniduvvot.
Jus doarjjaoažžu fuollameahttumit dahje eaktodáhtolaččat doaibmá dahje lea doaibman boazodoalloealáhusa lágaid dahje njuolggadusaid vuostá, de sáhttá doarjja ollásit dahje belohahkii dollejuvvot dassážii go dilli lea njulgejuvvon. Jus rihkkuma olis lea roavva fuollameahttunvuohta dahje eaktodáhtolašvuohta, de sáhttá doarjja ollásit dahje belohahkii unniduvvot.
§ 10. Ruoktotmáksin- dahje unnidanmeari sisagáibideapmi
Boazodoalloeiseválddit sáhttet gáibidit máksojuvvon oasi ja doarjjavuođu erohusa máksojuvvot ruovttoluotta, ruoktotmáksinmearrádusain § 8 mielde dahje unnidanmearrádusain § 9 mielde.
Boazodoalloeiseválddiid gáibádusat sáhttet dollejuvvot doarjjamáksimiin doarjjavuostáiváldái.
Jus doarjjavuostáiváldi ii lean várrogas buori jáhkus máksima hárrái, de sáhttet reanttut gáibiduvvot dan áiggi rájes go ruoktotmáksingáibádus lea ollen doarjjaožžui. Jus lea roavva fuollameahttunvuohta dahje eaktodáhtolašvuohta, de sáhttet reanttut gáibiduvvot dan áiggi rájes go eahpevuoiggalaš doarjja lea máksojuvvon. Reantojuolgi galgá leat seamma go dat reantojuolgi maid Finánsadepartemeanta áigges áigái mearrida § 3 mielde lágas b. juovlamánu 17. b. 1976 nr. 100 reanttuid maŋŋonan máksimiid je. birra.
§ 11. Váidinvejolašvuohta
Eanandoallodirektoráhta áššemearrádusa sáhttá váidit Eanandoallo- ja biebmodepartementii hálddašanlága mearrádusaid mielde.
§ 12. Fápmuiboahtin
Dat njuolggadus boahtá fápmui suoidnemánu 1. b. 2026.
